Read Uab Meto ESTER 3 Bible Online

ESTER 3 - Uab Meto bible

ESTER 3

¹Neno fauk namuni te Kesel Nai Ahasyweros naiti atoni mese in kanan Nai Haman anfani nakaf neu ale anaet sin. Nai Haman Nai Hamedata anmone uf na'ko Nai Agag.

²Kesel anfe plenat neu in ameput sin he nati' sin namtausan Nai Haman fun anli'tu ma nabes antia nain anbi in human in matan. Kesel in ameput sin ok-oke sin natuin lasi nane, al Nai Mordekhai.

³Ale ameput-ameput bian anbi sonaf sin namtau nansa' in antanhai kesel in aplenat,

⁴ma neno-neno sin naseke in he nati' in natuin plenat nane, mes in ka nen nani fa sin. In natas sin nak, “Au atoni Yahudi kau; au ka nabe'i fa he li'tu ma ubes neu atoni pah pinan.” Oke te sin naton lasi nane neu Nai Haman natuin sin he nahin neu lasi sa' ka es of hen bol neu Nai Mordekhai.

⁵Nai Haman in nato' anae le'uf kun leka in nahin nak Nai Mordekhai kan lomi fa he anli'tu ma nabes neune.

⁶Ma leka in nahin nak Nai Mordekhai atoni Yahudi kun, in naiti lasi fekat he anfe kasat neu Nai Mordekhai ma ka al fa in anmes, mes in of nale'un ale atoni Yahudi ok-oke amsa anbi pah Persia.

⁷Anbi funan ahunut, funan Nisan, ton bo'es am nua anbi tabu Kesel Nai Ahasyweros in ana' aplenat, Nai Haman anlenu he sin anhelan sulat le antek nak, “Purim” neu he nahin neno me ma funan me es antom he nanaoba in salit amle'ut nane. Onane te natetab nani funan bo'es am nua funan Adar in neno bo'es am tenu.

⁸Oke te Nai Haman nak neu kesel nak, “Usi, anmu'i uf mese le sin amonin ateta kun le sin natua anbi ale propinsi hit pah i. Sin halat nane nasuli nok uf-uf bian sin. Sin kan mo'e natuin fa ale plenat anbi hit pah. Es nane te, leko nesi Usi kais mufetin sin he sin anmoni natuin sin alomin.

⁹Leka ho nekam kan mafen fa Usi, so leko napoitan sulat plenat he nale'un sin. Ma leka Usi ho amlomi amsimo ho ate au uab, nabe'i ho ate mes utam noni muti anesi na'ko kilo 340.000 neu Usi ho kas.”

¹⁰Leka kesel in nen lasi nane, in anhosu in akleli mnatu le in anpake na'ko in niman aklulun, ma anfe neu Nai Haman, musu naek uf Yahudi, he anmalak ale sulat plenat amneot.

¹¹Kesel nakua a'an neune nak, “Uf nane ma in noni amsa au una'at ani sin neu ko. Ho mo'e sa' le naleko anbi ho matam neu sin.”

¹²Onane te anbi neno bo'es am tenu funan ahunut, Nai Haman no'en kesel in lultunis sin ok-oke. In anlenu sin antui sulat anmatom nok sa' le in naplenat neu sin, oke te nate'un ma nabaina nani ale uab ma antui nani anbi ale tuis le anpake anbi pah nane. Sulat matui anbi Kesel Nai Ahasyweros in kanan ma anmalak nani neki kesel in akleli mnatu, oke te ansonu nani nok lab-lab neu ale ana' aplenat, ale Kumlol ma ale anaet anbi ale propinsi. Sulat nane in nesan es anfe plenat nak anbi neno bo'es am tenu funan Adar, he namate nani to Yahudi ok-oke, he mnasi ai he munif, he bife ma li'ana, ka nabe'i fa he es anmoni, ma he nati' nasik nani ale sin amaus sin.

¹⁴Plenat nane mes naton nani neu ale propinsi mese-mese he nati' ale atoni naloitan ma nabalbon neu neno le anlek nalali nane.

¹⁵Ale a'leluf sin anfen ma sin anao lab-lab neki ale sulat nane neu propinsi anbi pah nanan. Natuin kesel in aplenat, natiaba nani plenat nane amsa anbi Susan, kot ainaf Persia. Nalali te kesel ma Nai Haman sin antok-tokon ma sin ninu tua mina mtasa, mes kot Susan antaisibu natuin plenat nane.