Read Uab Meto ESTER 5 Bible Online

ESTER 5 - Uab Meto bible

ESTER 5

¹Leka in nanahon nalali anbi neno tenu, bi Ester in anpake in bale pake fenai, oke te in anao neu po'an anbi sonaf in nanan ma anhake anbi eno matan usif in ke'an. Kesel antunon anbi in toko mnatu anbaina neu eno nane.

²Leka in ankiso nit kesel Fenai bi Ester anhake anbi mone in nek ma namnau in ma in nanona in ue mnatu neune. Ma bi Ester anfonat anao mat, oke te in ana' ue mnatu in panan.

³Nalali te kesel nakua a'an neune nak, “Au Fenai, ho mu'i sananet sa' ka? Ho amlomi sa' ka? Muton kai nai! Maski nak ho amtoti au pah aun bian, of au fe ani neu ko amsa.”

⁴Bi Ester natae nak, “Kalu Usi ho amlomi, so nati' Usi mok Nai Haman amkoenom aim meu fesat le ho ate au uloitan neu ko Usi.”

⁵Oke te kesel anlenu nunan Nai Haman he nem nok lab-lab, he nati' sin nanokab han honet bi Ester. Ma sin nem neu fesat le bi Ester naloitan nani.

⁶Leka sin ninu tua mina mtasa, kesel natoti nak, “Neu muton kau nai sa' le ho amlomi. Sa' le ho amtoti of au fe ani neu ko, maski au plenat aon bian!”

⁷Bi Ester natae nak,

⁸“Leka Usi amlomi he amsimo ho ate au han totis, so nati' Usi mok Nai Haman amkoenom aim amteni meu fesat le ho ate of ubalab ani anbi noka anmabe. Of anbi fesat nane ho ate of utiaba au han totis neu ko Usi.”

⁹Nai Haman anfani nem na'ko fesat kesel Fenai bi Ester nok nekaf amlilat anae le'uf kun. Mes leka in nit Nai Mordekhai anbi sonaf in eno naek le kan fe fa hen olbes neune, in nato' anae le'uf kun.

¹⁰Mes in an unto'an Haman ma anfani neu in ume. Leka in nem antia in ume in antoti in biafen sin nem ma in nak neu in fe, bi Zeres, he antoko nok sin.

¹¹Oke te Nai Haman na'uab nanaebon ma namok'on natuin in amu'in, in anmone sin amfaun, in atokon amnanut le in ansimo na'ko kesel, ma in kanan le naait'on anesi na'ko ameput-ameput sin bian.

¹²Oke te in nak anteni nak, “Anes-nesi kesel Fenai bi Ester amsa al anhone in anmes nok kesel neu fesat le nabalab nani neu kai, ma noka anmabe anhone anteni kai.

¹³Mes ale nane kan mu'i fa in otan, leka au fe it Nai Mordekhai, atoni Yahudi nane, fe antoko piut anbi sonaf in eno naek.”

¹⁴Leka sin nen ale lasi nane onane te in fe ma ale in biafen sin nak neune nak on i, “Amlenu he anmo'e ni mese amnanun meter bo'nua am nua. Oke te noka fa, fe nok-nok ana' amtoti kesel he nafetin ko Nai Mordekhai he ho muboni in neu ni nane. Nok nane te hom nao meu fesat nok nekaf tainine.” Lasi nane leok le'uf kun natuin Nai Haman, es nane te in anlenu hen mo'e ni nane.