Read Uab Meto ESTER 7 Bible Online

ESTER 7 - Uab Meto bible

ESTER 7

¹Fun anbi hae nua kesel ma Nai Haman sin anbukae nok bi Ester.

²Leka fe sin ninu tua mina mtasa, kesel nak anteni neu bi Ester nak, “Nah, au Fenai, ho hem lomi sa' ka? Muton nai! Namneo of au fe ani maski hom toti au pah aon bian.”

³Kesel Fenai bi Ester natae nak, “Leka Usi ho amlomi, ho ate au toti he nati' ho ate kau ok ho ate au nonot sin nabe'i hai anmoni.

⁴Natuin ho ate kau ma ho ate au nonot sin nasosa nalali kai he namate kai. Leka onle al nasosa kai he nati' hai amfani ate, ho ate kau of ka mo'e fa sa'-sa' ma ka uhaeb ko fa Usi. Mes tabu le i of nale'un kai ma naneku kai!”

⁵Oke te Kesel Nai Ahasyweros natoti kesel Fenai bi Ester nak, “Sekau es nabe'i anmo'e onle nane? Atoni nane in es me ka?”

⁶Kesel Fenai bi Ester natae nak, “Nai Haman atoni amle'ut le i anfani musu ma ahamu'it neu kai!” Nai Haman ankiso kesel ma fenai nok amtaus anae le'uf,

⁷Kesel in nato' anae le'uf, oke te anfen nasaitan mei fesat ma anpoi, ma anao kun neu sonaf po'an. Nai Haman nahin nak naiti nalali tfeka hen kas in, es nane te in anhake nabala nok kesel Fenai bi Ester hen toti he nati' nafetin in.

⁸Nai Haman nekan namneku ma in nabelat in aon neu bi Ester in hala tunan hen toti he nafetin in, mes anbi tabu nane amsa kesel anfani nem na'ko sonaf po'an. Leka in nit Nai Haman onane, kesel anhunun nak, “Sa' es i ka? In fe nabe'i amsa he nale'un au fenai anbi i, anbi au matak ma anbi au sonaf ka?” Leka kesel nakua nalali a'an neki a'at-a'at nane, ale ameput sin nem ma an aum nan Nai Haman in anakan.

⁹Oke te Nai Harbone, ameput mese na'ko ale ameput sin le nane in nak, “Koi Usi, anmu'i ni mese anhaumak Nai Haman in ume amnanun meter bo'es am nua, Nai Haman nahakeb nalali neu he naboni Nai Mordekhai, atoni le nafetin Usi ho monim.” Oke te Kesel anfe plenat nak, “Miboni Nai Haman neu ni nane!”

¹⁰Onle nane sin naboni Nai Haman neu ni le in nahakeb nalali neu Nai Mordekhai. Oke onane te kesel in to'as ansanu.