Read Uab Meto KELUARAN 19 Bible Online

KELUARAN 19 - Uab Meto bible

KELUARAN 19

¹Nalali te to Israel sin nasaitan Rafidim, ma anbi fun tenu antam neno mese leku sin nasaitan nalali pah Mesir, sin nem antia mnela snaen Sinai. Sin nahakeb sin um-ume anbi Tubu Sinai in un,

³ma Nai Musa ansae neu tubu nane he naeku nok Uisneno. UISNENO nakua a'an na'ko tubu nane ma anlenu in he natonan to Israel, Nai Yakub in sufan, nak,

⁴“Hi mit milali sa' le Au mo'e ulali neu atoni Mesir, ma Au eki ki onme neu bale le i nok kuasat le anaek, onle kakatasi panis neki in ana' anbi in ninen.

⁵Kalu leku le i hi mituin Kau ma mi'ki neu Au Fef Bela, of Au mo'e ki amfani Au to. Pah pinan nok in nesan nane Au ini, mes hi of amfani Au ini le Au nek ani,

⁶neu Au kun, hi of amtuthae Kau on Ana' fuat knino sin.”

⁷Ma Nai Musa ansanu ma in no'en ale atopus sin he nati' nabuabok, oke te in naton neu sin ale sa' le UISNENO naplenat nalali neune.

⁸Ma sin alsin natae nak, “Haim lomi he mo'e ale sa' le UISNENO naton nalali neu ko,” ma han taes nane Nai Musa natiab nani neu UISNENO. Oke te UISNENO nakua a'an neu Nai Musa nak, “Au of aum neu ki anbi nope naek in nanan; atoni-atoni of sin nen Au molok neu ko, ma naubon na'ko leku nane sin of anpalsai piut neu ko.

¹⁰Leku le i mueku mok atoni-atoni nane, ma amlenu sin he nati' anbi neno le i ma noka naloitan sin aon he naluli ma nabes. Ma sin mes naknino sin blua pake.

¹¹Sin mes naloitnok nalali anbi ansine. Anbi neno nane of Au sanu anbi Tubu Sinai in tunan, bale ale atoni sin of nit Kau.

¹²Anmo'e taka' anfun natef tubu le i anfani ekat he nati' ka nabe'i fa to anlak anfini. Mukain to nane he kais ansae neu tubu nane, ai hen haumak. Sekau es anfinin ekat nane, in of anmate;

¹³mes ampoli atoni nane meki fatu ai miklao in, ma ka nabe'i fa hem ono. Lekat le i antom leko neu mansian ai neu mu'it; sin le anfinin ekat nane mes anmate. Anbi leku him nen to'is in hanan, atoni-atoni nane mes sin ansae neu tubu.”

¹⁴Nalali te Nai Musa ansanu na'ko tubu nane ma anlenu atoni-atoni nane he naloitnok he nanaoba luli besa. In nak, “Ansine hi mes miloitnom, ma anbi tabu le i ka nabe'i fa him tup mibua.” Oke te to nane naloitnok ma naknino sin blua pake.

¹⁶Anbi neno tenu, leku nok-noka, anmu'i lotos, kenat ma limat. Nope le anmafau anbol anbi tubu in tunan ma to'is in hanan anaek sin anen. Ale atoni le anbi um-ume in nanan sin na'tai ma namtau.

¹⁷Nai Musa neki sin anpoi he naeku nok Uisneno, oke te sin anhake anbi tubu nane in un.

¹⁸Masu anamu nan Tubu Sinai anfun natef, natuin UISNENO ansanu anbi in tunan anbi ai. Masu nane ansae onle masu na'ko bale hanat, ma tubu nane an nainun anfun natef.

¹⁹To'is nane in hanan anaek kun. Nai Musa namolok, ma Uisneno natae in nok a'lotos.

²⁰UISNENO ansanu anbi Tubu Sinai, ma no'en Nai Musa he nati' in ansae neu tubu nane in tunan. Oke te Nai Musa ansae,

²¹ma UISNENO nakua a'an neune nak, “Amsanu nai ma mumnauba atoni-atoni nane mak sin ka nabe'i fa hen finin ekat he nem hen kiso Kau. Leka sin antanhai nani amsa, namfau anbi sin of anmate.

²²Ma ale Ana' fuat knino le anlomi hen haumak Kau, sin mes he naknino sin aon; kalu kahaf, of Au kas sin.”

²³Nai Musa nak neu UISNENO nak, “Atoni-atoni nane of kan saen fa, natuin Ho muplenat mulali kai he nati' hai mibaina tubu le i anfani bale knino ma ampanat ekat le anfun natef nani.”

²⁴UISNENO natae nak, “Amsanu nai, oke te amfani aum neu bale i mok Nai Harun. Mes Ana' fuat knino sin ma to kais anfin ekat he sin nem neu Kau. Kalu sin anfinin, nani of Au kas sin.”

²⁵Oke te Nai Musa ansanu ma naeku nok to le nane ma natiaba UISNENO In fef ba'an neu sin.