Read Uab Meto KELUARAN 21 Bible Online

KELUARAN 21 - Uab Meto bible

KELUARAN 21

¹Oke te UISNENO nakua a'an neu Nai Musa nak, “Amfe lekat lulut le i neu atoni Israel:

²Leka him sos ate mese na'ko hi uf anmes, in mes anmepu neu ki anbi ton ne in nanan. Anbi ton hitu mes hi mifetin in ma ka nabe'i fa he him baen sa'-sa'.

³Leka in fe ka mabia fa anbi leku in anfani ho ate, so in fenai kais nok anbi leku in anpoi. Mes kalu in anmafe nalali anbi leku in anfani ho ate, in fe nabe'i nokan.

⁴Leka in usif anmafeba in nok bife es, oke te in napeni anah, bife ma li'ana nane anfani in usif in-ini, ma ka nabe'i fa in nok ate nane anbi leku nafetin in.

⁵Mes leka ate nane naton nak in annek in fenai, in anah sin, ma in usif, ma kan lomi fa he nafetin in,

⁶in usif mes neki in neu bale luli besa. Anbi nane anlenu ate nane anhake ma nasnaiton anbi eno ai ni na'ko ume onen totis, ma in usif mes anposu ate nane in luken. Ma in anfani in ate anbi in neno monit.

⁷Kalu bife Ibrani in amaf nasosa in on ate, bife nane of ka nafetin fa anbi ton ne namsopu, nasuli nok ate-ate atoni.

⁸Leka in kan halin fa in usif in nekan le ansali hen mafe nokan, so nasosa nafani in neu in amnasi. Bife nane ka nabe'i he nasosa neu atoni anao amnemat, natuin in usif ka natis fa in manta'en, ma in ka naton fa amneot ma amnonot.

⁹Leka atoni mese ansos ate bife he nati' anmafeb nok in anah, ate bife nane mes anmo'e on in anah anmes.

¹⁰Kalu li'anmone nane anmafe anteni, in anmu'i sutais nabala he in anfe mnahat ma blua pake ma ale sa' onle in anmo'e neu in fenai ahunut.

¹¹Leka in ka natis fa in sutais nane, so leko in nafetin in fenai nane ma kan simo fa baen.”

¹²“Sekau es antepo atoni bian talantia anmate, mes namate in amsa.

¹³Mes leka in kan sali fa neu hen tepo in, ma in kan sali fa he namate in, in nabe'i naen neu bale mese le of Au lek ani neu ko, ma in of mapanat anbi nane.

¹⁴Mes kalu atoni mese in nekan anmaputu ma in ansali he namate atoni bian, oke te in naen neu Au baki fuat he mapanat, atoni nane mes hi maiti ma mimate in.

¹⁵Sekau es antepo in amaf ai in ainaf mes mimate in.

¹⁶Sekau es nasik-babak atoni mese, mes mimate in, leka in nasosa nalali atoni nane ai atoni nane fe anbi in ume.

¹⁷Sekau es ansukat in amaf ai in ainaf, mes mimate in.

¹⁸Leka anbi mabanat mese atoni mese antepo atoni bian neki fatu ai antufu in mes ka namate in, in of ka napeni fa kasat. Kalu atoni le mabiso nane antup

¹⁹natuin bisot nane, mes namuni te in anfen ma nao anfani neki tias, atoni le anbiso in anpaloli talante naleko ma in an'op neune.

²⁰Sekau es antepo in ate atoni ai in ate bife talantia anmate, in mes napeni kasat.

²¹Mes kalu ate nane kan mate fa anbi neno mese ai neno nua in nanan, ate nane in usif ka napeni fa kasat. Opat le in napoitan in ate nane namneku anfani on kasat neu in.

²²Kalu atoni fauk-fauk anmabanan ma atoni mese na'ko sin natanbok neu bife a'aput mese talante in namofu li'ana, ma ka namen fa anbi aon bian, atoni nane of anbaen opat le in anaen onle in mone antoti ma alef lasi anlomi.

²³Mes leka bife nane ansutai menas le mafena anesi, kasat neu atoni nane esle' smanaf anseka smanaf,

²⁴mataf anseka mataf, nisif anseka nisif, nimaf anseka' nimaf, haef anseka haef,

²⁵papa' anseka papa', papa' mamnotu anseka papa' mamnotu, fu'un anseka fu'un.

²⁶Sekau antepo in ate matan talante anfolo, in mes nafetin ate nane anfani opat neu in matan.

²⁷Kalu atoni mese antepo in ate talante in nisin nat'ipu, in mes nafetin ate nane anfani opat neu in nisin.”

²⁸“Kalu bijae keso mese anfoti atoni mese talante anmate, mes anpoli bijae nane neki fatu talante anmate, ma in sisi ka nabe'i fa he miahan, ma atoni amu'it nane of ka napeni fa kasat.

²⁹Kalu bijae keso nane in afotis kun, ma in usif nane napeni nalali amnauba, mes in kan panat fa mu'it nane, oke te leka bijae nane anfoti atoni mese talante anmate, mu'it nane mes anpoli neki fatu talante anmate, ma in usif amsa of namate nani.

³⁰Mes leka bijae tuaf nane nabe'i in opat, in an op anmatom nok sutais hen soi nan in asmanan.

³¹Kalu le namate nane li'anmone ai li'anfeto, lekat le i anmatom nokan amsa.

³²Kalu le namate nane ate atoni ai ate bife, bijae tuaf nane of an op noni muti bo'tenu neu ate nane in usif, ma bijae nane so anpoli neki fatu talante anmate.

³³Sekau es naiti oe mata in toben ai anhani oe mata ma kan tobe fa, oke te bijae keso ai bikase luke mnanu, anmofu antam neu in nanan,

³⁴oe mata nane in usif of an op neu mu'it nane in tuan, mes kais in naiti mu'it amates le nane.

³⁵Kalu atoni mese' in bijae keso namate atoni bian bijae keso, mu'it tuaf nua en nane so sin nasosa mu'it le fe anmoni ma anbati in noni. So sin amsa anbati mu'it amates nane in sisi.

³⁶Mes kalu sin nahin nalali nak bijae keso nane in afotis, ma in tuan kan panat fa, so in anseka neki bijae keso amonit, ma in nabe'i naiti mu'it amates nane neu in.”