Read Uab Meto KELUARAN 31 Bible Online

KELUARAN 31 - Uab Meto bible

KELUARAN 31

¹UISNENO nakua a'an neu Nai Musa nak,

²“Au beti ulali Nai Bezaleel Nai Uri in anah, Nai Hur na'ko uf Yehuda in upuf,

³le Au utua ulali in eki Au kuasat. Au fe ulali hine neu in, be'it ma matani neu ale mepu lunat:

⁴he nati' natenab nok amnutu ma nok nek hine ma anmepu na'ko mnatu, noni muti ma niti molo;

⁵ma he nati' anfon fatu klima le of naklalo sin; ma anlun hau ma neu ale lunat bian-bian anteni.

⁶Nai Oholiab, Nai Ahisamakh na'ko uf Dan in anah, Au beti ulali he nati' antuntaku in. Au fe neu in hine le anesin ale apakaet ahinet, he nati' nabe'i anmepu sa' le Au uplenat ulali.

⁷Au Um-ume, Peti Fef Bela ma in toben, ma ale blua anbi Um-ume in nanan,

⁸esle' mei nok in blua sin, tet paku na'ko mnatu nesaf nok in blua sin, baki fua mnotu atu fomeni,

⁹baki fua mnotu ma in blua sin, bak oe ma in sukit,

¹⁰blua pake luli besa neu Nai Harun ma in anah sin, le sin anpake anbi leku sin ka nanaoba fa mepu anfani Ana' fuat knino,

¹¹mina neu tolas, ma atu fomeni neu ke'an knino. So sin anmepu nani namnes nok lekat lulut le Au uton ulali neu ko.”

¹²UISNENO naplenat Nai Musa

¹³he natonan to Israel nak, “Minaeb neno Sabat, neno le Au lek ani anfani neno snasat. So ante nabal-bal neno le nane anfani mnaut neu ki ma Au, he nati' hi mihin nak Au UISNENO kau, ma Au es anmo'e ki amfani Au to.

¹⁴So hi miupab neno snasat le nane anfani neno le aknino. Au fe neu ki neno ne he hi mepu, mes neno hitu le nane anfani neno naek le mabeti neu Kau. Sekau es ka naupab fa in, mes in anmepu anbi neno nane so in ansimo kasat amaten.

¹⁶To Israel so sin nanaeb neno le nane ante sin sufan sin ka'un anfani taka' manta'en.

¹⁷Neno nane anfani mnaut mese le nabala neu to Israel nok Kau, natuin Au, UISNENO, Au mepu ulali neno tunan ma pah pinan anbi neno ne in nanan, ma anbi neno hitu Au usnas u'ko Au mepu.”

¹⁸Leka Uisneno namolok nalali nok Nai Musa anbi Tubu Sinai in tunan. Uisneno anfe neune fatu nua le Uisneno antui nalali In aplenat sin.