Read Uab Meto AYUB 11 Bible Online

AYUB 11 - Uab Meto bible

AYUB 11

¹Ma nalali te Nai Zofar nak, “Ai mes kan mu'i fa han taes neu uab poi? Ai mes ka namneoba fa atoni apoiba?

³Ayub, Oin ho mutenab mak hai ka mitae mibe'i ko fa? Ho mutenab mak haim ta' natuin ho mule'uf kai?

⁴Anbi ho tenab ho uab sin kan sanan fa, anbi ho tenab ho knino ko anbi Uisneno matan.

⁵Mes nati' Uisneno anmes es nauab.

⁶Ma nati' In naton neu ko nak In noina nane anmu'i in otan, ma mansian ka nahine fa. Es nanet so ho be' nai neu ho ma'neat nane ka maso'ik, fa leka tanesa tani nok le hom hem simo mani.

⁷Leka me ho he muhine Uisneno In monin, In lekat, ma In kuasat, talantia in tu'an in heun ka?

⁸In kuasat nane namnanu nesin neno tnanan; es nanet ho he mo'e sa' ka? In kuasat nane antaman nesin atoni amates, sin pah es nanet ho ka muhine fa.

⁹Uisneno In kuasat namnanu nesin pah pinan, ma tasi ainaf.

¹⁰Es nanet leka In anheke ko ma neki ko neu In alef lasi, sekau es nabe'i hen eka In na'ko In salit.

¹¹Uisneno nahin atoni le anlomi lasi poi; ma sin bulalut nane ka namneku fa na'ko In matan.

¹²Mes Leka bikase luke mnanu fui nahonis bikase luke, mnanu aem of atoni amonot anfani on ahinet.

¹³Ayub, muknino ho nekam ma amtofom nai! Am onen nai neu Uisneno.

¹⁴Mu'lob sanat na'ko ho nekam, ma mu'loba amle'ut na'ko ho ume.

¹⁵Es nanet ho mes amtam anbi monit nok mnalan ma be'it, ho mes amhake mumep ma kais mutenab amtaus.

¹⁶Ma ho mes ka mutenab amteni fa ho nu'ut sin, onle atoni in nikan nani noe le ansai ma anfin.

¹⁷Ho monim in meusinen mes nesin neno, ma tabu-tabu mesokan anbi ho monim mes ansinek onle manas in pinan anbi nok-noka.

¹⁸Ho mes amhake mumep ma muhenu nok fnekat, Uisneno mes anpanat ko, ma ho moni nok amneot ma amnonot.

¹⁹Ho mes ka mumtausan fa ho musu; atoni namfau mes antoti ko hem tuntaku sin.

²⁰Mes atoni abulalut mes anmoni nok amtaus, natuin sin kan mu'i fa atuntakus es sin nalulu sin fnekat neu sin neno maten hen bol labah.”