Read Uab Meto AYUB 12 Bible Online

AYUB 12 - Uab Meto bible

AYUB 12

¹Nai Ayub natae nak, “Him fani aseka neu to mansian. Leka hi mate, hine nane mes namneku amsa.

³Au amsa atoni le maneka kau, ale sa' le hi miton neu kau, au uhin ulali. Nesi na'ko nane, sekau es leanahin fa ale lasi nane ka? Onane te kais hi mitenab mak hi mihine amnesia kau.

⁴Au soba ma au benu sin anmanis kau, natuin anbi un-unu Uisneno natae au onen, anbi tabu au saksi ma atoti babat, mes namneo au umneo, ma ka mu'i fa sanat.

⁵Hi minebet atoni asusal, mes hi moni nok amonot, mes him biso amteni atoni le anhaumak hem mofu.

⁶Mes atoni asikat in ka male'un fa, ma atoni le anlaban Uisneno in anmoni nok alekot, maski uisneno teta le sin nafnekan, al sin matanin anmeskun.

⁷Muton neu kolo ma mu'it bian, ma sin mes anfe noina neu ki.

⁸Amtoti tonas na'ko ale amonit abit pah pinan ma tasi, ma hi mes amsimo mani fainekat.

⁹Sekau anbi sin es ka nahin fa nak, sin apakaet nane alkun Uisneno?

¹⁰In es anlek ma natoma monit neu ale kanan amonit; ma In anmu'i kuasat neu snasaf ale mansian.

¹¹Onle au mak, le anlomi hen tamis ale mnahat aminat, onane amsa au lukek anlomi he nen ale noina.

¹²Naton nak, atoni le namnasi anmu'i tenab ahinet, ma atoni ua mnanu es anmu'i hinef. Mes anbi Uisneno anmu'i tenab ahinet, ma be'it matani, In ahinet ma atais.

¹⁴Sa' le In nale'un nalali mes ka nafena fa anteni, sekau le In natam neu o'of kan mu'i fa es he nafetin.

¹⁵In es an eka oe, es nanet ale oe anmeti ma anmeto; In nafetin nani hen sai es nanet noe sako antia.

¹⁶Uisneno nane abe'it, matani ma apinat! Apoiba ma atoni le' napoiba nani, sin anbi In kuasat nanan.

¹⁷In naiti nani hinet alekot na'ko ana' plenat sin, ma nanebet ale atopus sin.

¹⁸In nisnan usif sin ma natam sin neu o'of;

¹⁹ma nanebet nani ana' fuat knino ma atoni makana.

²⁰In anpoh nani atoni a'uab sin fefan, ma In naiti nani hinet alekot na'ko ale mnasi.

²¹In namaeba atoni-atoni mateka ma makana, ma In nasanut sin na'ko sin kuasat.

²²In anfe meusine neu bale le namsab; ma In anfe pina neu hafo-hafo metan le names'ok.

²³In anmo'e ale uf sin nao mat ma nathoe, nalali te In nale'un sin talantia naskuku.

²⁴In anmo'e ale atopus anbi pah pinan sin nekam-nekun, ma nakikub sin ma kan mu'i fa lanan.

²⁵Sin nabsain anbi mesokan la kan mu'i fa meusine, ma sin matan anfaik onle atoni amafut.