Read Uab Meto AYUB 15 Bible Online

AYUB 15 - Uab Meto bible

AYUB 15

¹Ma Nai Elifas natae nak, “Ho mupoibom, Ayub, ho uab sin kan mu'i fa in otan! Kan mu'i fa atoni nek ahinet le natae on ho le i, in mes ka nes fa in aon neki uab le kan mu'i fa in nesan.

⁴Leka ho mutuin ho uab sin, kan mu'i fa atoni mese le namtau ai an onen anteni neu Uisneno.

⁵Ho uab sin naton nak namneo ho musanab, mes hom obe man ho maufinu sin meki ho uab.

⁶Kais au luku ko ma usan ko, mes natuin ho uab sin anlaban nafani ko.

⁷Ho oin mutenab mak nahonis ko anfani mansian ahunut? Hom bin ai kahaf anbi tabu anmepu nani tubu-tubu.

⁸Ai ho amsa mok amnen anbi tabu Uisneno natenab? Ai al ho es amu'i nek hinet mansian?

⁹Sa' le ho muhine; hai amsa mihine; sa' le hom heke, natonon anbi kai amsa.

¹⁰Nek hine le i haim simo na'ko atoni le nakan anmof; sin anbin nalali nahun na'ko nahonis ho ama.

¹¹Nansa' ho kam simo fa halinat na'ko Uisneno? Nok nekan mnalan ma mahoet hai miuab natuin in kanan.

¹²Mes ho to'as ansae ma ho matan sin anpinan.

¹³Ho muto'an Uisneno ma matoe mok In.

¹⁴Oin mansian ka nasanab nit fa ka? Nabe'i ai kahaf, in namaebon anbi Uisneno In matan?

¹⁵Neu ahake neno amsa Uisneno kan palsai fa sin; sin ka knino fa anbi In kisot.

¹⁶Sa' anteni neu mansian le namle'u ma namsab, le an ol nan maufinu onle oe.

¹⁷Amnen nai Ayub, au mes uton neu ko sa'-sa' es,

¹⁸le atoni nek ahinet nanoina kau. Noina nane sin ansimo na'ko sin amaf, sin ma sin nanaob anteni neu sin sufan sin ka'un.

¹⁹Tabu nane kan mu'i fa atoni anae mnemat anbi sin pah; kan mu'i fa le he nasekeb sin na'ko Uisneno.

²⁰Atoni abulalut le nasusu' in aon bian, sin mes an ole ma anlimae anbi sin monin.

²¹Hanaf le namtausab sin mes antia sin luken; leka sin anmoni anbi amnonot asikat nem ma nale'un sin.

²²Kan mu'i fa fnekat neu hen poi na'ko mesokan, natuin anbi ale tabu sona abulalut anli'u in neki suni.

²³Kaka tasi panis mes anpao in neno maten, he nati' sin nah nan in nitun. Es nanet in anbe' nok in neno monit nahenu nok mesokan.

²⁴Snama on uis abe'it le napoitan ma anpao he nale'un.

²⁵Atoni le anmatoe nok Uisneno, ma anlaban Le Akuasat Afin-finit in monin onane.

²⁶Nok nek amoko in anmaken ma anlaban Uisneno; in naiti in suni ma kan lomi fa he nasanut.

²⁸In namaika anbi kot-kot le nasitbok, ma namaika anbi ume le kan mu'i fa atuas. Kot-kot nane anlek ma anlulu nalali he nati' anpukai nani sin.

²⁹Atoni in mu'in mes namneku ma ka tit fa in lapun; maus mes namneku nani.

³⁰In mes ka nafetnon fa na'ko mesokan anaek; ai mes notu nani in tol fe'u sin. In mes namle'u natuin kasat Uisneno.

³¹Leka in nafnek neu sa' le ka maota fa, in mes mafuli; ma in mes ansimo seunbanin, le ka maota fa amsa.

³²Nahun na'ko in tabu, in mes anmate, onle hau non le anmaknene le ka nomate fa anteni.

³³In onle tua min kase in fuan le natseu, onle bub fua mina le in sufan natkua nain.

³⁴Atoni abulalut mes kan mu'i fa in sufan ka'un; natuin ume le in nafena na'ko lasi nisit in upan mes anput ma namnoe nani.

³⁵Nane sin le natenab bulalu ma nanaoba nani; poi ma fulit mes anmoni anbi in nekan.”