Read Uab Meto AYUB 16 Bible Online

AYUB 16 - Uab Meto bible

AYUB 16

¹Mes Nai Ayub natae nak, “Fe-fe at au nen uab le nane; Ho halinat nane neki hakamu'it.

³Leka ka hi misnasab uab poi le nane? Sa' es nafena hi nekam he mitae?

⁴Bait hi le nane onle au, ma au le i onle hi, au oin u'uab onle nane amsa. Oin au upoitan uab-uab alekot neu ki; ma oin au ki'un au nakak nok.

⁵Au umepan ho nekam eki tonas namfau; ma au halin ko eki au uab sin.

⁶Leka au u'uab au mane'at mes ka namneku fa; ma leka au ta' in otan sa' ka?

⁷Uisneno naoleb nalali kau; ma In nale'un nalali au ume nanan.

⁸In anlaban ma anheke kau. Tabu le i au aok anmeton mate, neu atoni namfau sin nak nane taka mese neu au usanab ulali.

⁹Nok nek to'as Uisneno anpisu naklati au aok; ma In naiti In human neu kau nok nek as'unu.

¹⁰Atoni-atoni le nale'uf kau, sin anfei sin fefan; sin anbiso kau ma sin anpas kau neu au humak.

¹¹Uisneno nana'at kau neu atoni abulalut; ma namofu kau neu atoni-atoni amle'ut sin niman.

¹²Anbi ahunut au moni anbi oe tene ma amlilat, mes nok askeken Uisneno nem ma anmaken nok kau. Amkil au basak maanpolin kau, anmo'e kau on bale he noina.

¹³In nekan kan mofu neu kau mes In naklao kau, talantia naklati nani au teik in nesan.

¹⁴In anlaban kau on meo naek mese, ma In napapa' kau piut-piut.

¹⁵Au pake kalo anfani taka' neu au kae ma kul. Ma au tok anbi afu natuin In anbe'u kau.

¹⁶Au humak me' ma au matak sin anmu'an ma mate natuin au kaet ma au kulut.

¹⁷Mes au ka uton fa nek manu; mes nok nek amnebet au onen neu UISNENO.

¹⁸Hoi pah pinan, kais mutolo' ho bulalum neu kau, ma kais hom ta' ma ka mutae fa au totis.

¹⁹Au uhin au Afetin nane es neno tunan; In mes ansaksi neu au ka usanab fa.

²⁰Au soba sin nale'uf ma anmanis kau; es nanet au hake anbi Uisneno In matan nok nek nu'ut ma toti In hen fiti kau.

²¹Nati' Uisneno In nesi kau anbi In matan, onle atoni mese anlomi he nesi in soba.

²²Au uak ka namnanu fa anteni; natuin ka lo fa au mes anao ma ka fain amu fa.