Read Uab Meto AYUB 2 Bible Online

AYUB 2 - Uab Meto bible

AYUB 2

¹Ahake neno sin anfani neman neu UISNENO In matan, ma Nitu nok anbi sin atnanan amsa.

²Ma UISNENO natan neune nak, “Ho mu'ko me ka?” Nitu natae nak, “Au nao utef pah pinan.”

³UISNENO natan in nak, “Ai hom kiso man fa Au ate Nai Ayub? Natuin anbi pah pinan funam natef kan mu'i fa atoni mese le aki'at ma nek muti on in. In naluli nabes neu Kau ma in kan mo'e fa amle'ut. In fe na'ki nabalah anbi Kau, maski nak hom fuli Kau he mule'un in ka nok fa in uaban.”

⁴Mes Nitu natae nak, “Smanaf ma aomina maupa nesin amaus. Mansian anlomi he nati' anfe ale sa' le in anmu'i lamu in anmoni.

⁵Mes leka Ho mumenab in aon, namneo in of ansukat Ko!”

⁶UISNENO nak neu Nitu nak, “Leko, ho mo'e neune sa' le hom lomi, al kais mumate in.”

⁷Ma Nitu in nao na'ko UISNENO In matan, ma in antao men bono neu Nai Ayub in aon na'ko haen benan antia in nakan.

⁸Ma Nai Ayub antoko anhaumak bale le nabuab ma'lafu, ma in naiti boit pisa neu hen peu in aon nekin.

⁹In fe nak neune nak, “Nansa' ho fe mu'ki mubalah neu Uisneno? Neu nai, amsukat In nai, ma amate nai!”

¹⁰Nai Ayub natae nak, “Ho mumolok onle atoni amonot! Ati hit het simo sa' alekot na'ko Uisneno, ma le amle'ut hit het tite?” Es nane te, maski Nai Ayub in tam anbi snama nane, in ka napoitan fa uab le hen laban Uisneno.

¹¹Leka Nai Ayub in biaf sin an nen neu snama le antoman Nai Ayub sin neman na'ko sin bale mese-mese esle', Nai Elifas na'ko kot Teman, Nai Bildad atoni Suah ma Nai Zofar atoni Naamah. Sin malomin he nati' ankiso ma anhalin in.

¹²Mes leka sin ankiso na'ko lo, sin ka nahin fa in. Sin ankae nok han anaek ma sin anpisu sin blua pake ma sin ankifun afu neu neno tnanan ma neu sin nakan.

¹³Sin antokon anbi afu, anbi Nai Ayub in aon bian, neno hitu ma fai hitu mes sin ka nauab fa sa' amsa, natuin sin nit Nai Ayub in susat nane nae le'uf kun.