Read Uab Meto AYUB 20 Bible Online

AYUB 20 - Uab Meto bible

AYUB 20

¹Ma Nai Zofar natae nak, “Hoi Ayub, oni ho mu'i nek tenab, es nanet tabu i au he utae ko.

³Namneo ho mukle'uf kai meki ho uab sin, mes au uhin in han taes sin.

⁴Ai ho ka muhin fa nak anbi um-ume, leka In natokob mansian ahun-hunut anbi pah pinan,

⁵atoni amaufinut sin malinat nane neno batis, ma amlilat atoni abulalut nane on smela mese.

⁶Maski nak in anaet nane antia neno ma in nekan antia nope,

⁷mes in mes namneku ankon; in mes namneku na'ko pah pinan nok lanan amle'ut. Atoni-atoni le afi nahin in, of sin natan nak, “Hoi, in he nao esme ka?”

⁸In mes namneku on nanait le namsab, in mes namneku onle mnitas anbi fai.

⁹In ka mamnita fa neki matak; in ka esne fa anteni anbi in balan le in namaika anbine.

¹⁰Le anbi ahunut in nabak nani na'ko atoni amamu'it in anah sin mes es anseka nani.

¹¹Maski nak in munif ma abe'it, mes anbi klobes in mes anfani afu.

¹²Maufinut nane min oni anbi in fefan! Es nanet in antamis mes kan olo fa labah; es nanet in antao anbi in man a'pinan, he nati' in antamis a'lo anteni.

¹⁴Mes mnahat nane nabaina anbi in tein, anfani laso menu le neki maten.

¹⁵Maus le in nabak ma an olo nani, in anlo'an nani; Uisneno napoitan nani na'ko in tein.

¹⁶Abulalut mes ninu laso le neki snama, in mes anmate onle kaun laso es anlau in.

¹⁷In mes kan tamis nit fa min fomeni le nathoe, ai susu ma oin oef le anhoenon.

¹⁸In sufa ma mnisat so leko in anfe nafani; natuin in mepu in nesan in mes kan tamis nite fa.

¹⁹Natuin in nasusu' ma kan abul fa atoni amamu'it; in nasik nan um-ume le sin nafena nani.

²⁰Natuin in sinmakan nane kan mu'i fa in tu'an, es nanet in mes kan ta' nit fa.

²¹Leka in anbukae, in mes nah nani, sin natuin in mu'in nane mes ka napane fa.

²²Leka in mu'in nane ansato ma nao piut, susal ma nukat nem ma antaman in.

²³Leka in nami he natua in tein, Uisneno nato'an in ma ankas in.

²⁴Leka in naen ma na'lobon na'ko suni, in mes antoman klaot nit molo.

²⁵In mes antoman as'anef talantia napapa'; as'anef in panan le nalim mes napau anpisu in aon, ma amtaus mes nahenu in nekan.

²⁶Maus le in nabuab ma nabela nani mes namnoe; in nok in ume nanan ai le atoni napina mes notu nani sin.

²⁷Neno naton in maufinun; es nanet pah pinan anfen ma anlaban in.

²⁸In a'mu'in nane mes namnoe, natuin Uisneno nasanut In to'as.

²⁹Nane atoni amle'ut sin monin, monit le Uisneno anlek ma anlulu nalali neu sin.”