Read Uab Meto AYUB 21 Bible Online

AYUB 21 - Uab Meto bible

AYUB 21

¹Nai Ayub natae nak, “Amnen nai sa' le mes au u'uab ani; al lasi le i es au toti hen fani halinat neu kau.

³Mufetin kau he nati' au u'uab, nalali te na' hi mile'uf kau!

⁴Au ka matoe fa ok mansian, es nanet ka nan sa' fa, kalu au ka alan ube'i fa.

⁵Miaiti ma amkius kau, ma hi mes mimkak, hi mes amta' ma hi fefam mes na'umut.

⁶Leka au utenab au monik le i, au u'tai natuin au umtau.

⁷Nansa' es Uisneno anfe ua mnanu neu atoni amaufinut, ma ansato sin mu'in.

⁸Sin anmoni suk a'lo talantia sin nit sin upuf sin antu'an ma nanae piut.

⁹Sin anmoni anbi sin ume nok oe tene; ma Uisneno ka nasanut fa snama neu sin.

¹⁰Sin mu'it sin anpe'an ma namfau, nahonin ma kan mu'i fa mle'un.

¹¹Atoni amaufinut sin anah sin anmonin nok malinat, onle bib kase ana' le an el natuin namlil.

¹²Sin ansi ma nabso'on natuin leku', feku ma heo in hanan.

¹³Sin nasopu sin neno monit nok malinat, ma sin anmaten nok halan.

¹⁴Mes anbi ahunut sin nak neu Uisneno nak, ‘Mu'lo mu'ko kai ma amnao nai! Hai kam filoli fa ma hai kam lomi fa he mihin Ho lomim ma Ho salit neu kai.’

¹⁵Sin natenab nak, ‘Tuthae Uisneno kan mu'i fa in otan, ma atonen neu In kan mu'i fa in upan.

¹⁶Ai ka al fa hit matanik anmes, hit tapeni ale sa' le hit atlomi ma atsali?’ Mes au ka lomi fa sin tenab ma sin salit nane.

¹⁷Ai anbi haefes atoni amaufinut sin paku nane anmate, ma snama ma nukat antoman sin ka? Ai anbi haefes Uisneno nato'an sin ka, ma anfe kasat neu sin ka?

¹⁸Ai anbi haefes es anmo'e sin onle aen ut ma afu skuku le nautus ma anin slutuf anfu nani?

¹⁹Ai hi miuab mak, ‘Li'ana napeni kasat natuin amaf in sanat.’ Mes au ak: Uisneno ankas atoni le nasanab, he nati' sin anbe' nak natuin sin sanat, Uisneno anfe kasat neu sin.

²⁰Maut he nati' atoni asanat ansutai kun in sanat anmes, maut he in naben nit to'as na'ko Uisneno Amnanut Afin-finit.

²¹Leka mansian in uan namsopu anbi pah pinan, in kan filoli anteni fa malinat neu in ume nanan.

²²Nabe'i ai kahaf mansian nanoina Uisneno, ai ka Uisneno fa es anfani alef lasi neu amonit anbi neno tunan?

²³Anmu'i atoni le an aomin anbi in monin; in anmate nok malinat ma nek menuan. In namne'an fin nok alekot, maski nak in nenun fe nahenu in aon.

²⁵Mes anmu'i anteni le anmate nahenu nok susal ma nukat, ma in kan tamis hit fa malinat.

²⁶Mes ansub sin oke, natupa sin pap mese; kauna ma klue an amu nan sin.

²⁷Namneo, au uhin sa' le hi mitenab ma ale maufinu le hi mileta mani.

²⁸Hi mitan mak, ‘Usif akuasat le anmo'e lasi amle'ut nane in ume esme ka?’

²⁹Ai hi fe ka mitan fa neu atoni le anfini nao lanan? Hi kam palsai fa neu uab le sin naton nani?

³⁰Sin nauab nak, ‘Anbi tabu Uisneno anfe kasat, ale amaufinut sin mes napeni honis.’

³¹Ka tit fa es neu he nati' anmaban natuin sin mo'et; ma ka tit fa es neu hen seunbanin sin maufinu.

³²In neki ma natam neu nopu, ma natam in neu nate naukel; anpanat in nate ma anpaloli nani.

³³Atoni nifun-nifun sin nao na'lal'ok ma anloi in nitun; ma sin ankub nani neki afu manula.

³⁴Es nanet, ho halinat nane luman, ma ho han taes nane poi kun!”