Read Uab Meto AYUB 23 Bible Online

AYUB 23 - Uab Meto bible

AYUB 23

¹Mes Nai Ayub natae nak, “Au nekak anfen ma ansanaen neu Uisneno; au ka eka ube'i fa au hamu'it ma au biusmait.

³Ah, nati' au uhin bale le in anbine, he nati' au nao ma u'eku ok in.

⁴Ma au eki au lasi neu In, ma au esiok nao uab le ansai natuin au fefak.

⁵Au lomi he utuin sa' le In naton, ma In anfe han taes.

⁶Oni In mes nasanut In kuasat neu kau? Kahaf! Namneo In mes natuin au uab sin.

⁷Au ka usanab fa ma au mes ka esiok fa anbi In matan, es nanet In mes nafetin kau tal nabal-bal.

⁸Au aim Uisneno anbi neno saen, neno tesan, bian a'ne'u, bian a'li, mes anbi me-me Uisneno kan bine fa; ma au ka utef fa okan In.

¹⁰Mes In nahin ale au lanan sin, ma au monik. Kalu In ansu' kau onle mnatu, of natonon nak au nek muti kau.

¹¹Au utuin In nok aki'at; au mes ka tanhai fa lanan le In anlek nalali neu kau.

¹²Au utuin Uisneno In plenat sin, au utuin In lomin, ma au ka utuin fa au lomik anmes.

¹³Uisneno nane ka nabaina fa; ka tit fa sa' le hen laban In. In anmo'e sa' le In anlomi.

¹⁴In mes natiaba In salit neu kau, ma In salit nane namfau anteni.

¹⁵Natuin amtaus neu In, es nanet au u'tai. Leka au utenab ale lasi, au mtaus nane in nao mat piut.

¹⁶Uisneno Akuasat Afin-finit naskuku nani au be'it matani. Au umtau natuin Uisneno, ma ka natuin fa mesokan, maski nak mesokan anfun natef kau, ma an amu nan au humak.