Read Uab Meto AYUB 24 Bible Online

AYUB 24 - Uab Meto bible

AYUB 24

¹Nansa' es Uisneno kan lek nani fa neno lef lasi, he nati' atoni-atoni le nahin In napeni amneot?

²Anmu'i atoni-atoni le natnanib nakat, he nati' in nain nane antu'an ma nao piut. Sin nabak pukan bibi kase, ma natam sin neu sin bibi kase in o'of.

³Sin anheke nan li'anmanat sin bibi kase luke mnanu, ma sin nasik nan bife banu in bijae.

⁴Sin an eka atoni amamu'it sin pa', es nanet atoni le nasusbon sin na'tolo'.

⁵Es nanet amamu'it sin on bikase fui, le nami mnahat anbi pu'at kisan, natuin anbi bale nane es anmu'i mnahat neu in ana sin.

⁶In anmepu nani atoni bian sin lene; in nabuab atoni amaufinut sin tua min kase.

⁷In kan mu'i fa abtais ma tainusat hen haputu in aon anbi fai.

⁸In napet natuin ulan anbi tubu, es nanet in napesion neu tubu fatu he naninbon.

⁹Atoni amaufinut sin an aten li'ana le ka ma ainaf ma ka ma ama fa, ma naiti atoni amamu'it in anah anfani on soi tusa.

¹⁰Atoni amamu'it in nao ka neki fa bukael; in namnah leka in anlefi aen kase anbi lene.

¹¹In anmo'e min fomeni na'ko bub fua mina, na'ko tua min kase in anmo'e mninut, mes in anmeno anmate amsa.

¹²Anbi ale kot atnen atoni amonit sin sakoit, atoni apapa' antoti he nati' mapaloli, mes Uisneno kan lomi fa he nen sin onen; ma In kan lomi fa he nail sin.

¹³Anmu'i atoni-atoni le antite mesokan ma namusu nokan, sin kan lomi fa he nahine ma kan lomi fa he natuin sin lomin.

¹⁴Anbi nok-noka abulalut nane anfen na'ko in tupas, anpoi ma namate amamu'it sin anbi tabu fe kan meu sab fa in ankul on abakat.

¹⁵Atoni amapaisa in anpao neno hen mofu; in an amu in human he nati' atoni kais nahine in.

¹⁶Abakat anpukai ume anbi fai; anbi ne-neno in na'lobon na'ko meusine ma in na'tolo'.

¹⁷Neu in, nok-noka nane neki amtaus, mes fai mesokan nane neki halinat.”

¹⁸Mai Nai Zofar nak, “Noe sako neki atoni amafinut, Uisneno ansukat in afu; in lene tua min kase luman; ma kan mu'i fa atoni le anmepu anbine anteni.

¹⁹Onle sen-sene noe nain leka antoman fauknais ma manas, onane amsa nopu naukel an ol nani atoni asanat.

²⁰In ainaf mes anikan nani in, ma klue mes nah nani in aon. Mes ka namnau anteni fa in kanan; in namneku onle hau le anbel.

²¹Ale lasi le i anbol natuin susu' neu bife banu sin, ma anmo'e amle'ut neu bife le ka nahoni fa li'anmone.

²²Mes nok kuasat na'ko Uisneno, in anli'u atoni amatanit sin. Uisneno nale'un ma namate atoni abulalut.

²³Uisneno anfe malinat neu in monit, ma anpao ma anpanat in piut-piut.

²⁴In malinat nane ka lo fa, natuin anfin ma ankon labah. In anmaknene onle hun le ka maota fa; onle ane in punen le maketu na'ko in ta'un.

²⁵Sekau es natotan lasi nane, ai ansuli au uab amneot nane?”