Read Uab Meto AYUB 26 Bible Online

AYUB 26 - Uab Meto bible

AYUB 26

¹Mes Nai Ayub nak, “Ho manoe hem tuntaku kau atoni a'olet ma amanukat!

³Ho fainekat ma ho noina nane leko neu kau on atoni amonot!

⁴Ho uab nane ho mululu neu sekau ka? Sekau es nahenu ko he muuab onle nane?”

⁵Nai Bildad natae nak, “Atoni-atoni amates sin na'tai; oe ma atuas sin anlilitai.

⁶Anbi Uisneno In human In matan, nopu naukel natfai, ma ka maobe fa talantia in nit nani.

⁷Uisneno antao neno in oben anbi oe tasi in tunan, ma nakponi pah pinan anbi neno tnanan.

⁸Nope ma oe naek In antao nani, mes nope nane kan baitson fa maski nak in anmafen.

⁹In na'tolo' funan in pinan anbi nope in aon bian le in antao nani.

¹⁰In anlun neno in un anbi tasi in tunan, he nati' anbati meusine na'ko mesokan.

¹¹Leka In napina In to'as, neno in ni ainaf sin nabeko.

¹²Ma nok In kuasat tasi ainaf nane namne, ma In anteli kaun le'u in manoen.

¹³In snasan nane anpitil neno talantia naknino'on; ma In namate liksaen le anmanoen amnaenat.

¹⁴Ale lasi nane naton In kuasat, al a'seofes antia hit lukek. Hit nine neu Uisneno nane an-ana, ma In kuasat nane lo nae le'uf kun.”