Read Uab Meto AYUB 3 Bible Online

AYUB 3 - Uab Meto bible

AYUB 3

¹Nalali te Nai Ayub nauab ma ansukat neno le nahonis in, nak,

²“Koi Uisneno, amsukat neno le nahonis kau, ma maut he mesokan an amu nan kau na'ko au aina in apun!

⁴Koi Uisneno, am mo'e neno nane namesok, ma muneku mufinib na'ko Ho tenab sin ma kais mufetin Ho meusine hen tana kau.

⁵Am mo'e neno nane metan nunfin, mesokan fai tnanas, nanipu ma namsab; ma maut he nope metan an amu nani ma an obe nani na'ko manas in pinan.

⁶So mesokan naen na'ko so'it neu ton ma funan; he kais mutenab ma kais muuab.

⁷So fai nane nahenu mesokan le kan mu'i fa manekat, ma kan mu'i fa malinat.

⁸Hoi atoni amnanet ma ana Kaun Le'u, amtam ambi neno nane nok supat ma sukat;

⁹kais talantia faif nome naton in pinan, kais mufetin neno in pinan hen tana! Maut he nati' fai nane anpao son-sona neu neno he nem ma fnekat fe'u hen bol.

¹⁰So sukat neu fai le neki maten leka au aina nahonis kau, ma nafetin kau he au sutai ma'ne'at.

¹¹Nansa' au ka mate fa anbi au aina in apun, ai au snasak ka natfek fa anbi tabu nahonis kau?

¹²Nansa' au aina in anho kau ma in naif kau, ma in nasusu kau neki in susun?

¹³Bati anbi tabu nane au fani, oni au tup ma usnas nok malinat,

¹⁴onle kesel ma anaet sin anbi neno ahunut, le nafena nafani sonaf ahun-hunut.

¹⁵Au tup on naimnuke, le nablua in ume neki noni muti.

¹⁶Nansa' ka namof kau fa onle boti le ka masnasa he nati' au tup a'fin ma mel a'fin?

¹⁷Anbi nate naukel in nanan, abulalut sin kan mo'en tenin fa amle'ut, ma amepu mafena le anhae napeni snasat.

¹⁸Ma atoni o'of sin napeni nek manuan, ma nafetnok na'ko apaot sin maunu.

¹⁹Anbi nane atoni sin namnes: leko anaet ma leko ka makana. Ma anbi amsopun ate sin mafetin.

²⁰Nansa' mansian mafetin hen moni anbi ma'neat? Nansa' es anfe meusine neu atoni a'nuka?

²¹Sin anlomi nesin nate naukel na'ko amaus, anpao maten, mes kan bol nit fa.

²²Amlilat sin antamis leka sin anmaten ma ansub sin

²³Uisneno an obe sin monit neno amnemat, ma in anfun nan sin anbi neno kabenan sin.

²⁴Sakoit nane anseka au bukae, ma au ka usnas it fa anbi sananet.

²⁵Le au oel neune, anbolan kau, ma le au umtausan antoman kau.

²⁶Au ka upeni it fa tainina, au sutai mane'at ka namsopu nit fa.