Read Uab Meto AYUB 42 Bible Online

AYUB 42 - Uab Meto bible

AYUB 42

¹Nai Ayub natae UISNENO nak, “Au uhin, koi UISNENO, neu Ho Akuasat Ko; nabe'i he moe ale lasi.

³Ho mutan neu nansa' au ka palsai fa neu Ho lasi hine mes au mes ka uhin fa sa'-sa'. Au u'uab neu lasi le au ka uhine fa, neu lasi-lasi le neki amkakat neu kau.

⁴Hom lenu kau he nati' au utuin Ko leka Ho mukua Ho a'am, ma au utae Ko leka Ho mutan kau.

⁵Anbi ahunut au uhin Ko al natuin au nen na'ko atoni, mes tabu le i au uhin Ko natuin au utef Ko humaf nok humaf.

⁶Es nanet au umaebok leka au umnau au molok sin, ma au tofok es nanet au tok anbi afu skuku in nanan.”

⁷Leka in nauab nalali nok Nai Ayub, UISNENO nak neu Nai Elifas nak, “Au uto'an ko mok ho aon bian sin, natuin hi ka miton fa Au amneot. Mes Au ate Nai Ayub ka on fa nane.

⁸Es nanet hi maiti nai bia keso molo hitu, ma bibi kase keso hitu ma him nao meu Nai Ayub. Nalali te hi mitulu sin anfani fua mnotu neu hi aom anmes. Nai Ayub in mes an onen neu ki, ma in onen nane mes Au simo. Au mes ka umaeb fa in maski nak hi of amsimo mani kasat. Natuin hi ka miton fa Au amneot, mes Nai Ayub in naton nani.”

⁹Nai Elifas, Nai Bildad ma Nai Zofar anmoe sa' le UISNENO anlenu, ma UISNENO ansimo Nai Ayub in onen.

¹⁰Leka Nai Ayub in onen nalali neu in soba teun sin, UISNENO namu'ib nafani in, ma In anfe neune seun banin no nua nahun na'ko ale sa' le in anmu'i anbi ahunut.

¹¹Ale in tataf sin ma Nai Ayub fetof sin ma ale in soba ahunut, sin nem ma natef nok in nalali te sin mo'en buat anbi in ume. Sin naton nak sin nasusbok anbi susal le UISNENO nasanut neu in, ma sin anhalin in. Sin es-es anfe neu Nai Ayub noni ma kleni mnatu mese.

¹²UISNENO anfe tetus le nathoe in monin, nahun na'ko le in fe kan tam fa anbi susal. Nai Ayub in anmu'i bibi kase 14.000, bikase paha snaen 6.000, bijae molo 2.000, ma bikase luke mnanu 1.000.

¹³In napeni anteni li'anmone hitu ma li'anfeto tenu.

¹⁴Li'anfeto ahunut nakanab bi Yemima, nua bi Kezia, ma kliko bi Kerenhapukh.

¹⁵Anbi pah nane in nanan kan mu'i fa li'anfeto mese he namas on Nai Ayub in anfeto sin. Nai Ayub anbati neu sin amaus namnes nok in anmone sin amsa.

¹⁶Nalali te Nai Ayub fe anmoni nan ton natun mese bo'ha talantia in fe nit in upuf sin ma sin anah-anah sin.

¹⁷Ma Nai Ayub in ua mnaun le'uf leka in nasaitan pah pinan.