Read Uab Meto AYUB 5 Bible Online

AYUB 5 - Uab Meto bible

AYUB 5

¹Amtoti nai hoi Ayub, ai anmu'i han taes? Neu ahake neno me ka es hom toti tuntakus?

²Ai atoni amonot es anmate natuin in nekan namen.

³Au it an atoni amonot, in monin namep anes. Mes nok askeken au sukat bale le in natua anbine.

⁴Es nane te in anah sin ka ma abut fa; kan mu'i fa esle' hen pes nok sin anbi lef lasi.

⁵Sin anseki sa' anbi sin lene, atoni le tai luman es nah nani. Aen kase le anbi mnuke in atnanan atoni le namnah es nah nani. Sin amaus ma sin abnak atoni le anmenon mu'if es napal nani.

⁶Ai ka na'ko fa pah pinan ale lasi amle'ut anbol; ai ka na'ko afu ale susal anbol.

⁷Ka onan fa! Mes na'ko mansian anmes kun ale su'at neune, onle ai in sapliuf anpoi na'ko ai anmes kun.

⁸Mes leka au tam anbi nu'ut le hom tam ambine, Au sanenu neu Uisneno. Neu In au uton au uab sin, ma au una'at au lasi neu In.

⁹Uisneno In mepu neki lasi amkakat le anaek; es nane te hit ka tamis tabe'i fa. Lasi amkakat le In anmo'e, sin hit kat so'i ma kat ai tabe'i fa.

¹⁰In nasanut ulan neu pah pinan ok-oke, talantia ale lene ma hu sona anponi napete.

¹¹In Uisneno le naiti atoni abaut, ma anhalin atoni asusal.

¹²In eka atoni ahinet sin salit, In antanu ma anheke atoni ahinet, talantia sin mnamit ka naton fa in fuan, ma sin tenab es anfuil nan sin.

¹⁴Mesokan an amu nan sin anbi manas, ma sin an afakain onle anbi fai.

¹⁵Ma Uisneno nafetin; atoni amamu'it sin na'ko maten ma atoni abaut na'ko lasi susu'.

¹⁶Tabu le i anmu'i fnekat amsa neu atoni le kan mu'i fa sa'. Ma atoni abulalut kan fai fa in fefan he nauab, natuin Uisneno es anpoh sin fefan.

¹⁷Ua alekot neu ko fun natuin Uisneno anhaman ko! Ma kais amtite akuasat afinit In noina.

¹⁸Natuin Uisneno es anfe menas, mes In mes neknon kun anpaloli ko. In anbiso ko neki In niman, In mes naleko nafani ko.

¹⁹Leka lasi maten anhaumak, In mes nafetin ko piut.

²⁰Leka amnahas antoman ko, ho mes ka mate fa natuin amnahas. Ma leka makenat anhakatau ko, In mes an abul ko na'ko maten.

²¹In mes anpanat ko na'ko akan ma si'ut; es nane te ho mes ka mumtau fa leka snama antoman ko.

²²Leka abulalut ma amnahas antoman ko, ho mes malan ma oni mes ho mani. Ho mes ka mutenab fa amtaus ai muoelbom, leka ho mutef mok mu'i fui amaunut.

²³Lene le hom foi mes kan mu'i fa fatu; ma mu'i fui of kan laban ko fa.

²⁴Ho mes mutua ho um-ume nok oe tene; leka hom poi ma amkiso ho bibi kase sin anmoni nok leko ma kan mu'i fa esle' namneku.

²⁵Ho upuf sin mes ka maso'ik fa, natuin sin amfaun onle hun anbi mnela.

²⁶Onle aen kase le namnatu, ma amlefi anbi in tabu, es nane te ho mes mumlia ma maspet talantia ho mumnasi.

²⁷Ayub, ale lasi hai amtai milali. Noina le i namneo, es nane te so hom simo.”