Read Uab Meto AYUB 6 Bible Online

AYUB 6 - Uab Meto bible

AYUB 6

¹Ma Nai Ayub natae nak, “Oni kalu au tai au susal nu'ut in mafenan,

³namneo in mafenan in a'nesi na'ko snaen abit tasi ainaf. Es nane te, kais hi miskek leka au ka pantok fa ma au manap is anbi uab.

⁴So'anef na'ko Le Akuasat Afin-finit anbolan au aok; in lason nane anonos anbi au nuif sin. Uisneno In matanin nahakataun, In anmaken nok kau onle anlaban meo naek.

⁵Bikase luke mnanu mes namsen leka atfe neune hu makuke, ma bijae amsa onan leka atfe neune mnahat.

⁶Sekau es anlomi mnahat, le ka matao masi fa? Teno in akmutin in minan sa' ka?

⁷Au ka lomi fa he nati' ukpoe ani; natuin au haep sae leka au uahan.

⁸Nansa' Uisneno kan lomi fa he nen au onen? Ma nansa' In ka nail kau fa anbi au totis?

⁹So nati' Uisneno In lomi he nale'un kau! Ma nati' In anfe ma namate kau.

¹⁰Lasi nane anfani on halinat neu kau; es nane te au mes malin anbi ma'neat in nanan. Ale plenat knino na'ko Uisneno Le Aknino knao matani, au utuin sin ma au panat sin piut.

¹¹Au matanik onme talantia au fe moni abine? Ma au ufnek neu sa' he nati' au moni lo anteni?

¹²Au aok le i matanin on fatu ka? Ai au aok le i na'ko niti molo ka?

¹³Au ulali au nenuk neu he ami atuntakus; mes kan mu'i fa atuntakus anteni neu kau.

¹⁴Anbi susal ma'neat onle i au lomi he mu'i benuf alekot mese. Neu au fe u'ki ubalah ai au koti ulali Le Akuasat Afin-finit.

¹⁵Mes neu ki, hoi au bia-benu ki, au ka ufnek ma futnok fa neu ki. Natuin hi onle noe le in oe anmeti, leka ulan kan bol nit fa.

¹⁶Hi onki noe le in oe anta' ma kan sai fa, natuin an obe nok sen-sene.

¹⁷Leka fauk nais anbol, oe alites ma sen-sene nane namneku ka tit fa in anteni. Noe in un anmate, katifa oe ma anmeto nakiti.

¹⁸Amnemat sin anseken leka sin nami oe; sin nao neum nem ma anmaten anbi mnela snaen.

¹⁹Amnemat na'ko Syeba ma Tema naim oe nane ma sin nafnek neune.

²⁰Mes sin fnekat nane luman natuin anbi noe in ninen kan mu'i fa oe.

²¹Hi onki noe hoi au bia benu ki; him tet koti ma mimtau leka him kius mit au susal ma au nu'ut.

²²Nansa'? Ai au toti sa' es na'ko ki? Ai natuin neu au monik, au lenu ki he nati' him poh fef atoni?

²³Ai au toti aomina na'ko ki? Ma au toti ki he him soiman kau na'ko musu le kan mu'i fa nek mahoe?

²⁴Minoina kau nai, ma miton kau au sanat! Au mes ata'ah ma utuin hi noina.

²⁵Noina nok nek muti neki halinat, mes noina le luman kan mu'i fa in otan.

²⁶Au noina sin hi miotab onle anin es anfu; es nane te hi taes ka maupa fa natuin au susal nukat le i.

²⁷Him hel sulat neu li'an manat sin monin, ma hi mitenab neu hi aon bian natuin hi he mu'i.

²⁸Ati him kiso kau; kal-kalu ai hi mitenab mak au fuli ki.

²⁹Mimtau nai kais him uba' lasi amneot! Kais hi mile'uf kau, natuin au ka usanab fa.

³⁰Ai hi mitenab mak au fuli ki, ma ka beti uhin fa alekot ma amle'ut.