Read Uab Meto AYUB 7 Bible Online

AYUB 7 - Uab Meto bible

AYUB 7

¹Mansian nane onle tasesab hen nami neu monit; in anmafen anbi monit onle monit atoni le mabaen;

²onle ate le anlomi he naneo ma nahafo; onle akulit ai ameput le anpao in upa'.

³Funan nao neu funan au monit kan mu'i fa in upan; fai nao neu fai au moni anbi kulut kaet in nanan.

⁴Leka au nao ma tup, fai anhelon ma amnanu; au lomi he it manas in pinan, es nane te au ka' mela fin fa.

⁵Au aok nahenu nok aklue ma anbulan na'; au aok pasu nanu'e ma napoitan nu'e oef.

⁶Au monit kan mu'i fa fnekat nane nalaban in amsopun, manapan nesin atenus le nanaoba in besi fole.

⁷Mumnau kau, koi Uisneno, au monit le i al Ho amfun Ho snanam; au malinat namneku, ka nani fa in nobin.

⁸Tabu le i ho mit kau — mes ka lo fa. Leka Ho mes he mami kau, au mes umneku ulali.

⁹Onle nope namsab ma namneku, mansian amsa mes anmate, ma kan fani nem fa anteni. Ale atoni le afi nahin in, anikan ma ka namnau anteni fa.

¹¹Es nane te au ka nabe'i fa he ta'! Au nek tu'as ma amenut ka nabe'i fa he ubela ani. Au mes afai au fefak, ma upoitan au tenab.

¹²Nansa' es Ho mutuin kau ma ampanat kau piut? Ai au kaun le'u tasi kau le eki laso ka?

¹³Au he tup ma ufetnok na'ko au haet; au he ha'nul au nekak le nasusbon.

¹⁴Mes Hom hakatau kau meki nanait; amle'ut ma tenab le ka maota fa.

¹⁵Es nane te au lomi nesi Hom bukel mumate kau, na'ko au moni ma monit le in nahenu nok nu'ut.

¹⁶Au u'len ma hae mate anbi monit; es nane te au lomi nesi he mate! Mufetin kau natuin au monik ka maota fa.

¹⁷Nansa' es Hom panat mis mansian? Nansa' Hom panat mis in monin piut?

¹⁸Ho mail in anbi nok-noka, ma Hom su' in anbi ale smela.

¹⁹Leka anteni ka na' Ho mufetin kau, he au upeni sona he ol au hapek.

²⁰Hoi au Apaot, leka au usanab sa' es anmo'e anteni neu Ko? Nansa' es Hom pake kau anfani on Ho 'anef in balan? Ai au hafen ani Ko eki baut mafena?

²¹Au ka nabe'i fa he Hom sako au sanat? Ai Ho ka mube'i fa hem nose au elet tanhais sin? Ka lo fa anteni au mes a'tup anbi nate naukel in nanan, ma leka Ho mami kau, Ho mes ka mupeni kau fa.”