Read Uab Meto AYUB 9 Bible Online

AYUB 9 - Uab Meto bible

AYUB 9

¹Mes Nai Ayub natae nak, “Namneo, au uhin, ho uab nane kan sanaf. Mes leka me mansian anmo'e lasi hen laban Uisneno ma anbe'u In?

³Na'ko han tanas nifun mese le Uisneno anfe nani, mansian ka natae nan fa mese amsa.

⁴Uisneno nane ahinet anesit ma akuasat; es nane te sekau es nabe'i hen laban In?

⁵Uisneno natnanib tubu mes atoni ka nahin fa, nalali te naklelo nani neki to'as ma maunu.

⁶Uisneno anfe nainunus talantia pah pinan nabeko, ma pah pinan in ni ainaf nabeko amsa.

⁷Uisneno nakain manas he nati' kais anpe' anbi nok-noka, ma nakain afkun sin he kais naton sin pinan anbi fai.

⁸In antao neno oben mes In kan pukai nani fa, ma In anteli nahapun nani kaun le'u tasi.

⁹In antao afkun ma'lafu anbi bian a'ne'u, ma faif nome, afkun maiko, ma afkun naek.

¹⁰Hit ka tahin fa In mepu, ma hit kat so'i tabe'i fa ale lasi amkakat.

¹¹In anfin nao nok au matak mes au ka uhin fa; In anfin natuin au aok bian, mes In ka natonon fa neu kau.

¹²Leka In nasik, sekau es nabe'i hen penan In? ai he natan In nak, ‘Hoi, Ho mo'e sa' ka?’

¹³Uisneno ka nasunu fa In to'an ma In nek maputu; ma Rahap in atuntakus sin amsa na usi neu In.

¹⁴Es nane te au he matoe ok In onme ka? Au mes utae In eki uab sa' ka?

¹⁵Maski nak au ka usanab fa, au he noe onme ka? Al au toti nek mamun na'ko Uisneno au alef lasi.

¹⁶Leka In natae au han sananet, au nekak fe naoin, namneo ka In nen au hanak?

¹⁷In naskuku kau anbi anin slutuf, ma ansato anteni au nukat ka nok fa uab.

¹⁸In ka nafetin kau fa he au hel au snasak tabu tuk es; mes In namsenab au monik neki amenut anaek.

¹⁹Ai au he be'u In eki be'it matani ka? Amkiso In be'in In matanin! In nenun nane lo naek kun. Kalu neu lasi amneot sekau es he nati' anlaban In?

²⁰Maski nak au umneo, au fefak in mes neknon kun naton nak au ka umneo fa; maski nak au usanab, In mes naton kau nak au san ulali.

²¹Au ka usanab fa, mes au ka filoli fa au aok. Au lenan monit. Neu kau ka tit fa sa' alekot anten; ale lasi nane namnes, le ka asanat ma asanat: Maut he Uisneno nale'un sin nua sin oke.

²³Leka in namate kau neki In ue nok askeken mes In nasi'u fekat atoni ka asanat.

²⁴Nana'at nalali pah pinan le i, neu atoni asanat sin niman, ma In an amu nani In alef lasi sin matan. Kalu ka In fa, sekau anteni?

²⁵Au neno monit sin anfini labah on atoni a'hopu, sin anfinin, ma kan mu'i fa malinat.

²⁶Ankeo nesin onle belo' le anmo'e na'ko ek fui, on teme anpas in mui osat.

²⁷Leka au utenab au lomi, he nati' nikan au susal nu'ut sin, he ubaina au humak ma malin. Es nanet au umtausan ale au susal sin. Au uhin nak ho mes anmo'e kau on atoni le ka nasanab fa.

²⁹Ho makam mak au usanab ulali, es nanet nansa' au ususab au aok nok son-sona.

³⁰Maski nak au boe au aok eki sen-sene ma ufanu au nimak eki sabun, he uneku au sanat sin!

³¹Mes Uisneno mes nalema kau antam neu klofo, talantia au blua pake sin an hanisi kau.

³²Bait Uisneno nane mansian, au ube'i utae In; nalali te haim hake anbi alef lasi in matan, he nati' anlefi hai lasi.

³³Mes anbi kai kan mu'i fa alef lasi neu hen lef hai lasi sin.

³⁴So leko Uisneno nas-nas ma kais ankas kau, ma na'lob In amtaus na'ko kau.

³⁵Au mes ka umtausan fa In anteni, ma tabu in amsa au mes u'uab, natuin au tae ulali au nekak.