Read Uab Meto SIT PULES 1 Bible Online

SIT PULES 1 - Uab Meto bible

SIT PULES 1

¹Ua alekot neu atoni le ka natuin fa atoni amaufinut sin noina, ma ka na'heta' fa in monin nok atoni asanat ma ka nabua nok fa atoni le nanebet Uisneno,

²mes in anlomi hen mo'e nani Plenat UISNENO ma natenab sin anbi manas ma fai.

³Anbi atoni nane in mepu in mes napeni in nesan; in moni onle' hau le anmoni anbi noe in ninen, le naton in fuan leka antia in tabu, ma hau nane in non mes kan maknene nit fa.

⁴Atoni amaufinut in monin ka onan fa; in mes onle' aen sime le anin anfu nani.

⁵Uisneno es an alef lasi nane of nale'un atoni amaufinut ma anbati sin na'ko In to.

⁶UISNENO antopu ma antuntaku atoni le na'ki', mes atoni amaufinut nalulu' in monin neu maten.