Read Uab Meto SIT PULES 101 Bible Online

SIT PULES 101 - Uab Meto bible

SIT PULES 101

¹Sit Pules Nai Daud. Au he si sit knino natuin matakum ma amneot, neu Ko, koi UISNENO, au usaeb au sit pules neu Ko!

²Au mes a'pantok na'ko monit amle'ut. Mes leka Ho munoebom amu meu kau? Au he uknino' au monit anbi Ho Ume,

³au mes ufetnok na'ko maufinu. Au uto'an atoni abulalut sin mo'et, ma au ka lomi fa he selo ok sin.

⁴Au mes ka mo'e fa amle'ut, ma ka tam fa anbi maufinu.

⁵Au mes ule'un atoni le na'si'u anbi in nekan nanan. Au mes ka ufetin fa atoni neka' moko ma neka' naeb.

⁶Au mes a'tom nek atoni le na'ki' anbi Uisneno; maut he nati' sin na'maika' anbi au ume. Atoni le in monin naleko' maut he nati' in antuthae kau.

⁷A'kake kais natua anbi au ume; apoiba mes kan hake na'ki' fa anbi au matak.

⁸Au mes ule'un ani atoni amaufinut anbi pah le i. Ale mepu atoni amaufinut mes au uneku ani sin na'ko kot UISNENO.