Read Uab Meto SIT PULES 107 Bible Online

SIT PULES 107 - Uab Meto bible

SIT PULES 107

¹“Minaeb UISNENO natuin In matakun, ma In manekan tal nabal-bal.”

²Minaeb In piut-piut, hoi hi le nafetin nani ki na'ko nukat.

³In anibun ki na'ko pah mata teme, na'ko neno saen ma neno tesan, bian a'li ma bian a'ne'u.

⁴Anmu'i le ansek anbi mnela hufui, ma ka nahin fa lanan anao neu kot in bale maika.

⁵Amnahas ma meno antoman sin ma sin na'oelbok.

⁶Anbi nukat sin ansakoi neu UISNENO, ma In nafetin sin na'ko susal.

⁷In antopu sin ma nao natuin lanan amneot, neu kot sin bale maika.

⁸Amneot kalu sin na'naeb UISNENO natuin In manekan, ma In mepu le namkakab mansian.

⁹Natuin In naneku atoni le anmeno, ma In anfe athoes neu sin le anmofu anbi amnahas.

¹⁰Anmu'i le ansaksi anbi mes'okan, ma le makolen besi anbi pa'an,

¹¹natuin sin anfen ma anlaban Uisneno ma ka natuin fa In plenat sin.

¹²In naklati sin nekan neki mepu ma'fena; sin natselan ma kan mu'i fa es hen tuntaku sin.

¹³Anbi nukat sin ansakoi neu UISNENO, ma In nafetin sin na'ko nukat.

¹⁴In napoitan sin na'ko mes'okan, ma In nasanut sin kolen besi.

¹⁵Amneot leka sin na'naeb UISNENO natuin In manekan, ma In mepu le neki amkakat neu mansian.

¹⁶Natuin In naskuku' eno besi, ma na'ipu in tul besi sin.

¹⁷Anmu'i amonot ma asusal natuin ale sin sanat, ma na'aten sin natuin ale sin elet tanhais sin.

¹⁸Sin anlenan ale mnahat, natuin sin tabu maten anhaumak.

¹⁹Anbi nukat sin ansakoi neu UISNENO, ma In nafetin sin na'ko sin sukat.

²⁰Nok In aplenat, In anpaloli sin, ma In nafetin sin na'ko maten.

²¹Amneot leka sin na'naeb UISNENO natuin In mepu, sin neki amkakat neu mansian.

²²Nok sin tulu' maut he nati' sin na'naeb, ma nabeno' In mepu neki sit-sit amlilat.

²³Anmu'i le anao natuin tasi nok abnao, he nami palolit neu in monin anbi tasi amenut.

²⁴Sin nit UISNENO mo'et amkakat sin anbi tasi.

²⁵Natuin In aplenat anmu'i anin slutuf ma okin namaun.

²⁶Naiti ale bnao, ma nasanut sin antia tasi in tu'an; Amtaus anbolan ale atoni leka sin nit hakataus nane.

²⁷Sin matan anfaik ma nekan namneku onle' atoni amafut.

²⁸Anbi nukat sin ansakoi neu UISNENO, ma In nafetin sin na'ko amtaus.

²⁹In namneb nautus le anfoe ma okin le namaun.

³⁰Sin namlilan natuin nautus anfin, ma In neki sin neu bale le sin ansali.

³¹Amneot leka sin na'naeb UISNENO natuin In manekan, ma In mepu le neki amkakat neu mansian.

³²Sin nabeno' UISNENO In anaet anbi Ho to sin atnanan, ma anpules In anbi buat mnasi sin.

³³In na'baina ale oe sin anfani mnela snaen, ma oe mata sin anfani ametos.

³⁴Afu nesa' anfani snaen, natuin maufinu na'ko atoni-atoni le na'maika' anbine.

³⁵In na'baina mnela snaen anfani nifu, ma afu ametos In na'baina anfani oe mata.

³⁶Atoni-atoni le kan mu'i fa mnahat sin na'maika'; anbine sin nahakeb kot he nati' na'maika' anbine.

³⁷Sin ansen fini anbi lene-lene ma sin ansen tua' min kase, ma nabuab in fuan nok athoes.

³⁸UISNENO namfaub sin anah, ma sin mu'it nahoni piut.

³⁹Mes anli'u na'aenab sin ma al bian es nabalah natuin anha'fen sin neki nukat ma hakamu'it.

⁴⁰UISNENO nanebet sin ana' plenat, ma sin na'oinsok anbi mnela snaen le kan mu'i fa lanan.

⁴¹Mes In nafetin amanukat sin na'ko sin susal, ma sin sufan namfau piut onle' buat bibi kase.

⁴²Atoni nek muti' nit In ma namlil, ma na'umut atoni amaufinut sin fefan.

⁴³So nati' atoni nek ahinet atenab ale lasi nane ma sin nateb nak UISNENO amanekat kun.