Read Uab Meto SIT PULES 108 Bible Online

SIT PULES 108 - Uab Meto bible

SIT PULES 108

¹Sit knino. Sit Pules Nai Daud.

²Au uteb nok a'ki'at, koi Uisneno, au he si ma pules Ko. Amfen nai, hoi au smanak!

³Hoi amfen nai, meki heo' ma biol! Au he si leka manas naton in pinan.

⁴UISNENO, au lomi he u'naeb Ko anbi ale uf-uf. Au lomi he si ma pules Ko anbi to mansian sin atnanan.

⁵Natuin Ho manekam nane naek antia neno tunan ma Ho matakum nane antia ale nope.

⁶Koi Uisneno, muton Ho anaet anbi neno tunan, ma Ho apinat anfunam natef.

⁷Mufetin kai meki Ho kuasat, ma mutae hai onen totis, ma mufetin atoni-atoni le Hom nek mani sin.

⁸Uisneno nakua a'an na'ko In sonaf knino, “Au he u'ba' ma bait ani pah Sikhem, ma anmu'i mnos sulat neu Nonof Sukot ma Nonof Kuundi.

⁹Gilead ma Manasye nane Au in-ini kun, Efraim nane anfani Au sobe besi, ma Yehuda nane Au tes plenat.

¹⁰Mes Moab nane anfani bale au boe au haek; ma Au he u'ba' natuin au be'u Filistea. Au polin Au tani pen haef neu Edom, anfani taka' nak in Au in-ini kun.”

¹¹Sekau es neki kau neu Edom? Sekau es antopu natam kau neu baik lape nane?

¹²Koi Uisneno, Ho kam haek mok kau fa ka? Ai Ho mes kam nao mok fa au meo naek sin?

¹³Amtuntaku kai na'ko musu, natuin tuntakus mansian nane ka maupa fa.

¹⁴Hit mes athaek tamep leka Uisneno nokan kit; In mes es anli'u hit musu.