Read Uab Meto SIT PULES 111 Bible Online

SIT PULES 111 - Uab Meto bible

SIT PULES 111

¹Ampules UISNENO! Au u'naeb UISNENO eki au nekak oke anbi In to sin buat.

²Namneo UISNENO In mepu nane neki amkakat, ma atoni-atoni le anten nok In sin mes nahinen.

³UISNENO In mepu nane naek ma mapules, In amneot nane tal nabal-bal.

⁴UISNENO nane nek mamun ma nek amanekat, In mepu sin naton amkakat, he nati' hit tamnau In piut.

⁵In anfe athoes neu atoni nek muti', ma In namnau In fef bela piut.

⁶In naton kuasat neu In to, ma anfe afu pusak neu uf-uf.

⁷UISNENO In mo'et ma In apinat, sin nane amneot ma amnonot kun.

⁸In naki'ab In aplenat, anfe neu sin anbi In amneot ma amnonot.

⁹In nafetin In to, ma anmo'e fef bela nok sin. In kun UISNENO le knino ma abe'it amatanit!

¹⁰Sekau le anlomi nek ahinet so na'baunon neu UISNENO, In namnauba' ale atoni afnekat. Ampules UISNENO anbi ale tabu!