Read Uab Meto SIT PULES 12 Bible Online

SIT PULES 12 - Uab Meto bible

SIT PULES 12

¹Neu atopu sit sin. Natuin sit nono fanu. Sit Pules Nai Daud.

²Amtuntaku kai, koi UISNENO, natuin kan mu'i anteni fa atoni nek leko, atoni le na'ki' neu Ko namneku anfini.

³Sin mapoibok es nok es, sin anmafulin neki uab-uab aminat.

⁴Musnasab sin uab-uab aminat nane, koi UISNENO, ma mumonob atoni-atoni fefa naek,

⁵le namolok nak, “Hai mu'i kuasat meki hai mam sin! Ma sa' le hai miuab, ka tit fa esle' hen eka nani!”

⁶UISNENO nakua a'an nak, “Sin na'susu' atoni amamu'it ma atoni anukat sin ansakoin. Es nanet tabu le i Au mes eti he fe ma utiaba' sa' le sin anlomi nani.”

⁷UISNENO In han manta'en nane namep ma amneot kun, onle' noni muti' nesaf le mamnotu' anbi ai in nanan.

⁸Atoni amaufinut na'oinsok anbi ale bale, atoni mes-mese anlomi maufinu. Mes Ho es ampanat kai, koi UISNENO, ampanat kai na'ko atoni-atoni amaufinut nane.