Read Uab Meto SIT PULES 127 Bible Online

SIT PULES 127 - Uab Meto bible

SIT PULES 127

¹Sit knino Nai Salomo. Bait ka UISNENO es nafena' ume, amo'et ma apakaet sin mepu son-sona. Bait ka UISNENO fa es namneo ma nahafo kot, ale apaot sin nane sin mes anhaen son-sona.

²Ale mepu ma'fena ma uab na'ko nok-noka, antia fai atnanas neu monit nane mes ka maupa fa; natuin UISNENO naloitan nani neu sin le antom nek In, le maski sin fe anbi tupas in nanan.

³Li'ana-li'ana nane UISNENO es anbo ma anbeti nani, namneo, sin anfani on tetus athoe neno.

⁴Li'anmone le hit tapeni tabu fe hit fe munif kit, namnes onle' aklaot in as'anef anbi meo pa'e in niman.

⁵Ua alekot neu atoni le napoitan as'anef onane! In mes ka naen koti, fa leka in nabua nok musu anbi alef lasi in matan.