Read Uab Meto SIT PULES 129 Bible Online

SIT PULES 129 - Uab Meto bible

SIT PULES 129

¹Sit knino anbi nu'ut. Israel, ma etu ma muton nai neu ho musu sin anhakamu'i ko onme anbi tabu ho fe munif ko.

²“Au musu sin anhamu'i kau anbi tabu au fe munif kau, mes sin kan be'u kau fa;

³sin napapa' kau anbi au sa'uk, onle' afoi afu anmo'e lolok anbi lene.

⁴Mes UISNENO nane amneot kun, In nafetin kau na'ko pah hakamu'it.”

⁵Maut he nati' anbe'u ale atoni le sin nek nanan Sion. Of sin anmo'e, ma anao naskot.

⁶Ma sin anfani on hun anbi ume tefin le anmeto nahun na'ko in hen moni;

⁷han mu'i fa esle' hen ketu, ai anfutu nabuab nani.

⁸Atoni-atoni le sin nao natuin nane sin mes nak, “So nati' UISNENO anfe nani tetus neu ko, anbi UISNENO In kanan, haim fe tetus neu ko.”