Read Uab Meto SIT PULES 135 Bible Online

SIT PULES 135 - Uab Meto bible

SIT PULES 135

¹Ampules UISNENO! Ampules nai UISNENO In kanan, hoi hi In ate ki

²le miluli ma mibes anbi Ume UISNENO le hit Uisneno na'maika' anbine.

³Ampules UISNENO, natuin In alekot kun, ampules In kanan, natuin In nek mahoe.

⁴In anbeti nani Nai Yakub, ma to Israel anfani on in-ini kun.

⁵Natuin au uhin, UISNENO nane amneot kun, ma In anaek anesin uisneno teta.

⁶In anmo'e sa' le In anlomi nani, anbi neno tunan ma pah, pinan anbi tasi ma tasi ametak.

⁷In nasanut nope na'ko neno in un, ma In anlek nani limat neu ulan. Nalali te In napoitan anin na'ko in bale maika.

⁸Anbi Mesir In na'mate li'ana unu na'ko mansian ma mu'it.

⁹In naton lasi amkakat namfau ma taka' anbi nane he nati' ankas kesel ma in ameput sin.

¹⁰In nale'un pah namfau ma In na'mate kesel abe'it sin:

¹¹Sihon Kesel Amori ma Og Kesel Basan, ma ale kesel abe'it Kanaan.

¹²Nalali te In nana'at sin pah anfani to Israel, sin amaus.

¹³Koi UISNENO, mes nabeno' Ko piut, ma mes namnau Ho kanam anbi ale batan,

¹⁴natuin Ho muton amneot neu Ho to, ma amnek Ho ate-ate sin.

¹⁵Sin faut le'u ma hau le'u na'ko mnatu ma noni muti' le anmo'e neki nimaf mansian.

¹⁶Sin mafefa mes ka na'uab fa, sin mamata mes ka nitan fa.

¹⁷Sin maluke mes ka nenan fa, ma asnasaf kan poi fa na'ko in fefan.

¹⁸So atoni-atoni le anmo'e nani sin monin onane, ma sin le nafnek neu in.

¹⁹Ampules UISNENO, hoi to Israel, ampules In, hoi Uisneno In ana' fuat sin.

²⁰Ampules nai UISNENO, hoi atoni-atoni Lewi, ampules In, hoi atoni nek muti'.

²¹Ampules UISNENO anbi Sion, anbi Yerusalem In bale maika. Ampules UISNENO!