Read Uab Meto SIT PULES 136 Bible Online

SIT PULES 136 - Uab Meto bible

SIT PULES 136

¹Ampules minaeb UISNENO, natuin In alekot kun; In manekan tal nabal-bal.

²Minaeb Uisneno Amnanut Afin-finit; natuin In manekan tal nabal-bal.

³Minaeb UISNENO Anesit Afinit kun; natuin In manekan tal nabal-bal.

⁴Al In kun es anmo'e lasi amkakat anaek; natuin In manekan tal nabal-bal.

⁵In anmepu neno tunan nok In nek ahinet; In manekan tal nabal-bal.

⁶In nenu nani pah pinan anbi oe; in fafon In manekan tal nabal-bal.

⁷In anmo'e nani apinat anbi neno tnanan; In manekan tal nabal-bal;

⁸manas he nati' ankuas neno; In manekan tal nabal-bal;

⁹funan ma afkun hen kuas fai; In manekan tal nabal-bal.

¹⁰In na'mate li'ana unu Mesir; In manekan tal nabal-bal.

¹¹In napoitan to Israel na'ko Mesir; In manekan tal nabal-bal;

¹²neki In nukun akuasat abe'it ma amatanit; In manekan tal nabal-bal.

¹³In an eka Tasi Gelagah; In manekan tal nabal-bal.

¹⁴In nalakab nafinib to Israel; In manekan tal nabal-bal.

¹⁵Mes In nalemab Kesel Mesir nok in meo pukan sin; In manekan tal nabal-bal.

¹⁶In antopu In to anao natuin mnela snaen; In manekan tal nabal-bal.

¹⁷In anli'u na'aenab kesel abe'it sin; In manekan tal nabal-bal;

¹⁸In na'mate kesel mateka sin; In manekan tal nabal-bal.

¹⁹Sihon kesel Amori; In manekan tal nabal-bal;

²⁰ma Og, kesel Basan; In manekan tal nabal-bal.

²¹In nana'at sin pah neu In to; In manekan tal nabal-bal;

²²anfani In ate Israel in-ini; In manekan tal nabal-bal.

²³In ka nikan kit fa leka hit musu anli'u kit; In manekan tal nabal-bal.

²⁴In nafetin kit na'ko musu sin niman; In manekan tal nabal-bal.

²⁵In anfe mnahat neu ale amonit sin; In manekan tal nabal-bal.

²⁶Minaeb Uisneno Akuasat neno tunan; In manekan tal nabal-bal.