Read Uab Meto SIT PULES 137 Bible Online

SIT PULES 137 - Uab Meto bible

SIT PULES 137

¹Anbi noe-noe Babel sin ninen haim tok ma amkae leka hai mimnau Sion.

²Anbi hau no naek pah nane, miboni hai heo sin.

³Atoni-atoni le anheke kai sin anlenu kai hem halin sin meki sit. Atoni-atoni le anhakamu'i kai, anlenu kai hem si sit amlilat, ma sin nak, “Amsi neu kai sit-sit na'ko Sion!”

⁴Oin mes anbi pah mata teme, haim si neu UISNENO?

⁵Maut he kais au si teni, leka au nikan ko, Yerusalem!

⁶Maut he kais au si teni, leka au nikan ko, ma ho kam fain fa halinat neu kau!

⁷Koi UISNENO, mumnau atoni Edom sin mo'et leka sin nale'un Yerusalem. Sin na'uab nak, “Miskuku, ma mibenat antia in tu'in-tu'in sin!”

⁸Hoi Babel, ho mes nale'un ko! Ua alekot neu atoni le anseunbanin neu ko, ale maufinu le ho mo'e neu kai.

⁹Ua alekot neu toni le naiti ho anah sin ma anpolin sin neu tu fatu!