Read Uab Meto SIT PULES 138 Bible Online

SIT PULES 138 - Uab Meto bible

SIT PULES 138

¹Na'ko Nai Daud. Koi UISNENO, au he u'naeb Ko, eki au nekak oke. Au si ma pules Ko, anbi ale uisneno teta sin matan.

²Au li'tu baina neu Ho Ume knino, ma pules Ho kanan, natuin Ho matakum ma Ho manekam. Ho mumnau munesib Ho manta'en na'ko atoni bian sin tenab neu Ho aom.

³Tabu au sakoi neu Ko, Ho mutae kau, Ho mumepan au nekak he nati' au nao mat piut.

⁴Ale kesel anbi pah pinan mes anpules Ko, koi UISNENO, natuin sin anen Ho fef bela.

⁵Sin mes na'naeb Ko natuin Ho mepu ma Ho anaet Ko.

⁶Ho anaet Ko, mes Hom panat anukat ma amamu'it sin, ma atoni neka' naen ka natol'on fa anbi Ko.

⁷Leka nukat antoman kau, ma nok Ho kuasat Ho mufetin kau. Hom laban au musu sin le anfoe ma namaun ma Ho mufetin kau meki Ho kuasat.

⁸Ho mutis mani Ho fef bela neu kau, es nanet kais mufetin Ho to.