Read Uab Meto SIT PULES 14 Bible Online

SIT PULES 14 - Uab Meto bible

SIT PULES 14

¹Neu atopu sit sin. Sit Pules Nai Daud. Atoni amonot na'uab anbi in nekan nanan nak, “Kan mu'i fa Uisneno.” Sin mo'et nane neki amle'ut ma neki hainisit kan mu'i fa le hen mo'e alekot.

²Na'ko neno tunan UISNENO ankiso to mansian he nami atoni nek ahinet le na'luli ma na'bes neu In.

³Mes ale atoni sin ansek nalali ma sin namle'u anfin kun, kan mu'i fa atoni mese le hen mo'e alekot.

⁴UISNENO nakua a'an nak, “Atoni-atoni amaufinut nane ka nahinen fa ka? Sin nasik nan Au to neu sin monin ma sin kan onen fa neu Kau.”

⁵Amtaus anaek neu atoni amaufinut, natuin Uisneno naneo ma nahafo atoni le natuin In.

⁶Atoni amaufinut anlomi hen eka atoni anukat, ma UISNENO anfani on sin aninit.

⁷So nati' honis nane nem na'ko Sion neu to Israel! He nati' Nai Yakub in sufan namlil leka UISNENO naloitan nafani' In to sin monit.