Read Uab Meto SIT PULES 145 Bible Online

SIT PULES 145 - Uab Meto bible

SIT PULES 145

¹Sit Pules na'ko Nai Daud. Au he u'naeb Ko, koi Uisneno ma au Kesel, ma au he pules Ko tal nabal-bal.

²Au he u'naeb Ko anbi ale tabu, ma au he uliatas Ko tal nabal-bal.

³Natuin UISNENO nane amasat ma apinat kun, ma In anaet nane kat su' tabe'i fa.

⁴Atoni mes anpules Ho mepu na'ko batan nao neu batan, ma an etun ma nabeno' Ho apinat le nane.

⁵Sin mes naton Ho apinat aklahat nane, ma au mes utenab Ho mepu le naton amkakat.

⁶Sin mes nabeno' Ho mepu naek sin ma mes, au uton Ho apinat le nane.

⁷Atoni sin mes nabeno' Ho alekot ma mes au si sit knino natuin Ho amneot.

⁸UISNENO nane amanekat ma nek mamun, ka ato'as fa mes In nek kit piut.

⁹In nek mahoe neu ale atoni, ma In nek ale amonit le In anmepu.

¹⁰Ale sa' le Ho mepu ma ampakae mani mes anpules Ko, koi UISNENO, ale Ho to sin mes na'naeb Ko.

¹¹Sin mes na'tuna Ho kuasat on Kesel, ma sin mes nabeno' Ho matanim,

¹²he nati' ale atoni nahin Ho mepu naek, sin ma Ho plenat le naleko' ma namas.

¹³Ho plenat nane mes anhake na'ki' nabal, ma Ho kuasat nane na'ko batan nao neu batan. UISNENO In na' natau In fef bela, In nahenu nok manekat anbi ale In mo'et sin.

¹⁴UISNENO antuntaku atoni le antam anbi nukat, ma In nahakeb atoni le nabaunon.

¹⁵Ale amonit sin nafnek neu Ko; Ho amfe mnahat neu sin anbi in tabu.

¹⁶Hom fe neu sin sa' le sin antoti, es nanet sin ka na'nuka fa anbi sin monin.

¹⁷UISNENO amneot kun anbi In mo'et ma nahenu nok manekat anbi In mepu sin.

¹⁸In anhaumak nok atoni le ansakoi neu In, ma antoti nok nek amneot.

¹⁹In anhalin atoni nek muti'; In nen sin sakoit ma nafetin nani sin.

²⁰In naneo ma nahafo atoni le sin nek In, mes In nale'un atoni amaufinut.

²¹Au mes u'naeb UISNENO piut, ma so ale amonit ampules UISNENO In kanan tal nabal-bal.