Read Uab Meto SIT PULES 16 Bible Online

SIT PULES 16 - Uab Meto bible

SIT PULES 16

¹Sit Pules Nai Daud. Ampanat kau, koi Uisneno, natuin au sonlaitok neu Ko.

²Au u'uab ak, “Ho au UISNENO, au malinat in un, kan mu'i fa sa' esle' hen nesin Ko!”

³Au u'upab atoni-atoni le anmoni nok nek ateb knino anbi pah le i; ma au lomi he nati' u'maika' ubalah ok sin.

⁴Maut he nati' atoni le na'usi neu fatu le'u ma hau le'u sin nu'ut nane ansato ma anao piut. Au ka lomi fa he nati' ululi ma u'bes neu fatu le'u ma hau le'u, ma au ka lomi fa he nati' au tek sin kanan amsa'.

⁵UISNENO, al Ho kum au in-ini; Ho es amfe neu kau sa' le au ami, au monik es Ho nimam nanan.

⁶Ho tuntakus nane namneo maupa neu kau, ma neki halinat neu kau!

⁷Au pules u'naeb UISNENO le nanoina' kau; fun anbi fai amsa' au nekak nanoina' kau.

⁸Au umnau UISNENO piut; fun In nokan kau, es nanet au ka utsel fa.

⁹Es nanet au nekak namlil ma au smanak na'ba', ma au aok nasnas nok malinat.

¹⁰Es nanet Ho ka mufetin kau fa he au maet; atoni le Hom nek mani Ho ka mufetin fa he namle'u.

¹¹Ho muton neu kau lanan honis; Hom fe neu kau amlilat nathoe ma lasi malinat nane mes tal nabal-bal.