Read Uab Meto SIT PULES 17 Bible Online

SIT PULES 17 - Uab Meto bible

SIT PULES 17

¹Onen totis Nai Daud. Amnen au totis neu lasi amneot, au onen nok nek muti', koi UISNENO.

²Amnek kau amlefi au lasi natuin Ho es muhin amneot.

³Leka Hom su' au nekak ma Ho amu ma amtae kau anbi fai, mes Ho mupeni au nek muti' kau; leko anbi au uab ma au tenab.

⁴Au mo'e sa' le Ho muplenat mani ma au ka mo'e fa nok nek aseke.

⁵Au moni utuin Ho lekat ma Ho lulut ma au ka heo' fa u'kone.

⁶Au sanane neu Ko, koi Uisneno, natuin Ho mutae kau; Ho es ampanat kau ma Ho es amnen au uab sin.

⁷Muton kau Ho manekam le neki amkakat natuin Ho mufetin atoni le naneo ma nahafo anbi Ko, anbi Ho aom bian sin napeni aomina na'ko musu sin maunu.

⁸Ampanat kau onle' Ho matam, munini kau anbi Ho ninem

⁹na'ko atoni amaufinut sin maunu. Musu le he na'mate kau sin anfunan kau;

¹⁰sin ka nahin fa lasi manekat ma sin na'uab nok neka' moko.

¹¹Sin anhaumakan hen laban kau, sin nami sona he nabelat kau.

¹²Sin onle' meo asu le hen pisu in mnahat, ma onle' meo asu tipu le anheke anbi bale tolo'.

¹³Amfen nai, koi UISNENO, amlaban au musu sin ma ambe'u sin. Ma mufetin kau na'ko Ho suni neu he mule'un atoni amaufinut sin.

¹⁴Mufetin kau na'ko atoni-atoni le nabuab amaus anbi pah pinan. Amkas sin meki snama le Ho mupoitan mulali neu sin. Maut he nati' sin upuf sin napeni kasat amsa'.

¹⁵Mes au of a'kiso Ko, natuin au ka usanab fa. Leka au fen na'ko au tupas, Ho mokan kau es nanet au nekak namlil.