Read Uab Meto SIT PULES 2 Bible Online

SIT PULES 2 - Uab Meto bible

SIT PULES 2

¹Nansa' es ale pah pinan sin anmo'e taisibu ma ale uf sin anbi pah nane natenab lasi le ka maupa fa?

²Ale kesel pah pinan sin anfen oke ma ale ana' aplenat sin nek mesen hen laban UISNENO ma kesel le In anbeti nalali.

³Ana' aplenat nane sin nak, “Aim he ta'ipu sin kuasat ma tasik tan sin malinat nane!”

⁴UISNENO anmanis sin na'ko In toko' anbi neno tunan, ma na'si'u sin salit.

⁵Ma In nakua In a'an neu sin neki to'as, ma naskekeb sin neki In kasat.

⁶In nakua In a'an nak, “Au umepan ulali kesel le Au beti ulali anbi Sion Au tubu knino.”

⁷Kesel nane nak, “Au lomi he utiab ani sa' le UISNENO anlek ma anlulu nalali. In nakua a'an neu kau nak, ‘Ho Au Anmone ko, ma Au fani on ho Ama.

⁸Amtoti nai, ale pah mes Au anfe nani neu ko, ma pah pinan le i Au mo'e ani anfani Ho ini.

⁹Ho mes muipu sin meki kuasat ma Ho mes mupe' sin onle' na'i le anmo'e na'ko afu.’ ”

¹⁰Es nanet ampanat nai hoi ale kesel sin, amsenan nai, hoi ana' aplenat abit pah pinan ki.

¹¹Miluli ma mibes nai neu UISNENO nok nek muti',

¹²miluli ma mibes nai anbi In human nok amtaus, kais talantia UISNENO nato' ma nale'un ki nok asmela, natuin In to'as nane anpin nok askeken. Ua alekot neu atoni le naneo ma nahafo anbi UISNENO.