Read Uab Meto SIT PULES 20 Bible Online

SIT PULES 20 - Uab Meto bible

SIT PULES 20

¹Neu atopu sit sin. Sit Pules Nai Daud.

²So nati' UISNENO natae ko leka hom tam anbi nukat, so nati' kuasat na'ko Nai Yakub in Uisneno nanini ko!

³So nati' In ansonu atuntakus na'ko In Ume, ma anfe afetin na'ko Tubu Sion.

⁴So nati' In namnau ale ho fua tulu', ma anmalin natuin Ho fua mnotu sin.

⁵So nati' In anfe nani sa' le hom lomi, ma anfe ko ho tenab in nesan.

⁶Of hai mi'ba natuin ho es mis, ma hai mihakeb pen-pene he minaeb hit Uisneno. So nati' UISNENO In nen ale ho totis sin.

⁷Tabu le i au uhin nak UISNENO anfe mnisat neu kesel le In anbeti nani. UISNENO natae in na'ko neno tunan le knino kun; natuin UISNENO In kuasat in napeni mnisat naek.

⁸Anmu'i atoni le anfutnon neu in aklet makenat, anmu'i le anfutnon neu in bikase. Mes hit atfutnok neu kuasat UISNENO, hit Uisneno.

⁹Sin mes antofnok ma natsel, mes hit mes atfen ma athaek tamep.

¹⁰Koi UISNENO, amfe nai mnisat neu kesel, ma mutae kai leka haim ambai neu Ko.