Read Uab Meto SIT PULES 22 Bible Online

SIT PULES 22 - Uab Meto bible

SIT PULES 22

¹Neu atopu sit sin. Natuin lus in hanan leka manas anpe'. Sit Pules Nai Daud.

²Au Uisneno, koi au Uisneno, nansa' es Ho musaitan kau? Au anbai neu Ko, mes Ho mu'lo kau, ma Ho kam tuntaku kau fa.

³Koi Uisneno, au anbai neu Ko anbi manas, mes Hom ta' mubalah. Au onen neu Ko anbi fai, mes au nekak ma namne fa.

⁴Mes Ho Kesel Le Knino Le'uf Ko kum, le atoni Israel sin na'tuna' nani.

⁵Hai na'i sin nafnek neu Ko, sin nafnekan, ma Ho mufetin mani sin.

⁶Sin ansanane neu Ko ma Ho mufetin sin; sin nafnek neu Ko ma Ho ka mumaeb fa sin.

⁷Mes au le i onle' pana klue, ma ka mansian fa, ale atoni na'si'u ma na'akan kau.

⁸Ale atoni le nit kau, sin na'le'uf kau, ma sin antumis sin lulun ma anki'un sin nakan.

⁹Sin nak, “Maut he in anfutnon neu UISNENO, leka UISNENO anlomi in mes UISNENO nafetin nani!”

¹⁰Ho es mupoitan kau na'ko au aina in apun, ma Ho es amhalin kau anbi au aina in aifan.

¹¹Na'ko tabu le nahonis kau, au monik anbi Ho nimam nanan, na'ko tabu anbi au aina in apun, Ho le nane au Uisneno Ko.

¹²Kais mu'lo kau, natuin amle'ut anhaumak, kan mu'i fa es he nati' antuntaku kau.

¹³Au musu sin anfun nan kau onle' baik lape, sin anfun nan kau onle' baik lape neu mu'i fui anbi Basan.

¹⁴Sin anhake anbi au matak ma sin anfai sin fefan, onle' meo asu le nakunut ma hen lau.

¹⁵Au ulali au nenuk onle' oe nat op, au nuif sin natlaku na'ko sin taluk sin, ma au nekak namnoe onle' nini'.

¹⁶Au po'ak anmeto onle' nai pisa, au mak anlite anbi au nalak. UISNENO, Ho mufetin kau anbi afu in fafon onle' atoni le anmate nalali.

¹⁷Atoni amaufinut sin anfun natef kau; sin an amu nan kau onle' asu an niub non, sin napau nabol au nimak ma au haek.

¹⁸Au so'i uhin au nuif sin, musu sin ankiso kau onle' a'bae.

¹⁹Sin anbati nani au bale pake sin, ma sin nosun sulat neu au sobalu bet kone.

²⁰Mes Ho, kais mu'lo kau, koi UISNENO, amu he nati' amtuntaku man kau, natuin au matanik al Ho kum.

²¹Mufetin au smanak na'ko suni, mufetin kau asu sin fefan.

²²Au ka mu'i teni fa nenuf, es nanet mufetin kau na'ko bijae fui in sunan ma meo asu in fefan.

²³Au mes uton Ho mo'et neu au olif tataf sin; ma anbi Ho to knino sin buat au mes pules uliatas Ko.

²⁴Ampules In, hoi atoni-atoni apalsait! Minaeb In, ale Nai Yakub in sufan! Mibes neu In, ale Israel in sufan in ka'un!

²⁵In ka na'si'u fa atoni anukat, ma ka nanebet fa atoni anu'ut sin. In ka na'tolo' fa In human na'ko atoni nane mes In nen sin leka sin toti tuntakus na'ko In.

²⁶Au pules u'naeb Ko anbi Ho to sin buat, natuin ale lasi le Ho mo'e mulali neu kau. Anbi Ho to apalsait sin matan au u'tulu fua le au ta'en ulali.

²⁷Atoni amamu'it sin nah talantia sin namsenan; atoni-atoni le nem neu UISNENO mes anpules In. So nati' hi mipeni halinat talantia nabal-bal.

²⁸Ale uf mes namnau UISNENO ma ale uf-uf mes anli'tu ma na'bes neu In.

²⁹Natuin UISNENO nane akuasat, ma In es naplenat ale pah-pah.

³⁰Ale atoni makana mes anli'tu anbi In matan, ale mansian amates mes anli'tu ma na'bes neu In.

³¹Ale batan-batan mes na'luli ma na'bes neu UISNENO, ma sin mes an etun sin sufa ka'uf sin.

³²In mes an etun in sufan ka'un amunit nak UISNENO nane In es mafetin nani In to.