Read Uab Meto SIT PULES 24 Bible Online

SIT PULES 24 - Uab Meto bible

SIT PULES 24

¹Sit Pules Nai Daud. UISNENO ini kun es pah pinan nok in nesan, pah pinan nok ale sa' le natua anbine.

²In ansukin in tu'in anbi oe tasi in fafon, ma In nahakeb nani anbi noe naek le amnanu in fafon.

³Sekau ka es nabe'i hen sae neu Tubu UISNENO, ma antam anbi In Ume nanan?

⁴Atoni le in tenab ma in mo'et kan penuf, ma kan sup fa nok poi ma ka na'luli ma na'bes fa neu uisneno teta.

⁵UISNENO mes anfe neune tetus ma nafetin in, ma Uisneno nak in ka nasanab fa.

⁶Atoni le nem ma anhake anbi Uisneno In human ma In matan onane, le in nem ma na'luli na'bes neu Uisneno Nai Yakub.

⁷Misoitan ale eon besi nok meunuan, he nati' Kesel Apinat nane antam.

⁸Kesel Apinat nane sekau ka? In UISNENO abe'it ma matani. UISNENO nahenu nok kuasat, ma meo pa'e anbi makenat.

⁹Misoitan ale eon besi nok meunuan, he nati' Kesel Apinat nane antam.

¹⁰Kesel Apinat nane sekau ka? UISNENO Le Akuasat, In kun Kesel Apinat!