Read Uab Meto SIT PULES 26 Bible Online

SIT PULES 26 - Uab Meto bible

SIT PULES 26

¹Sit Pules Nai Daud. Muton amneot neu kau, koi UISNENO, natuin au moni nok nek muti'. Au ufnek neu UISNENO, ma au ka u'oleb fa au nekak.

²Amtae kau koi UISNENO, ma amsu' kau, amtae au tenab ma au salit.

³Au umnau Ho manekam piut, ma au u'ki ubalah anbi Ko.

⁴Au ka lomi fa he ubua ok apoiba sin, ma tok ok atoni a'asafanut.

⁵Au manisin buat atoni amufinut, ma au u'lo u'ko sin.

⁶Au ufanu au nimak anfani taka' neu au ka usanab fa, ma au nao fun utef Ho baki tulu', koi UISNENO.

⁷Ma au si u'naeb Ko ma etun Ho mepu le neki amkakat.

⁸Au nek Ho Ume, koi UISNENO, bale Ho mu'maika' nok amlilat.

⁹Kais mu'mate mubuab kau nok atoni asanat, ma kais maiti au smanak pap mese nok atoni le na'opan na'.

¹⁰Sin nanaoba mo'et maufinu piut, ma naloitan hen simo baen.

¹¹Mes au moni nok nek muti', es nanet amnek kau ma mufetin kau.

¹²Es nanet au monik namne ma nafetnon na'ko maten, ma au mes apules u'naeb UISNENO anbi In to knino sin buat.