Read Uab Meto SIT PULES 27 Bible Online

SIT PULES 27 - Uab Meto bible

SIT PULES 27

¹Sit Pules Nai Daud. UISNENO nane au meusine ma au afetin, kan mu'i fa sa' le au he umtausan. UISNENO nane au kot matani, le naneo ma nahafo kau, es nanet au ka u'tai fa.

²Leka amaufinut sin he na'mate kau, sin es mes natsel ma anmofu.

³Maski nak to meo anfun natef kau, au mes ka umtau fa. Au mes ufnek ubalah neu Ko maski nak sin anmaken, ma anlaban kau.

⁴Al lasi mese es au toti na'ko UISNENO, ma al le i es au sali: anbi au monik ma au uak, au mes u'maika' ubalah anbi Ume UISNENO, he nati' au tamis UISNENO In alekot ma au toti he nati' In antuntaku kau.

⁵UISNENO naneo ma nahafo kau leka au nekak nas'unu'; In na'tolo' kau anbi In Ume nanan, ma In naiti kau neu tub fatu in tunan.

⁶Tabu le i au is an au musu sin le anfun natef kau; es nanet mes nok malinat ma baf au mes u'tulu' fuat seun banin anbi Ho Ume; au mes apules u'naeb UISNENO.

⁷Koi UISNENO, mutnin kau leka au toti Ko, amnek kau ma mutae kau.

⁸Ho mukua Ho a'am, “Amu nai ma mululi mu'bes meu Kau.” Au utae ak, “Au eti nok labah, koi UISNENO;

⁹kaisa mu'tol'om mu'ko kau.” Kaisa muto'an kau ma kais amtite Ho ate kau, natuin Ho es amtuntaku kau. Kaisa ampolin kau, ai musaitan kau, koi au Uisneno, afe honis.

¹⁰Maski nak au ama ma au aina nasaitan kau, Uisneno mes anpanat kau.

¹¹Muton kau Ho lomim, koi UISNENO, amtopu kau neu lanan amneot, natuin au musu sin namfau.

¹²Kais muna'at kau neu au musu sin, he nati' sin anhamu'i kai neki uab poi ma bulalu.

¹³Nok nek afnekan au mes a'moni anbi pah pinan le i nok halinat UISNENO.

¹⁴Mufnek nai neu UISNENO, amhaek mu'ki ma mumepan ho nekam. Namneo, so mufnek neu UISNENO!