Read Uab Meto SIT PULES 3 Bible Online

SIT PULES 3 - Uab Meto bible

SIT PULES 3

¹Sit Pules na'ko Nai Daud, leka in naen na'ko Nai Absalom, in anah.

²Koi UISNENO, au musu sin nane amfau le'uf kun, ma namfau es hen maken nok kau!

³Anmu'i amfaun le na'uab nak Uisneno kan lomi fa hen tuntaku in.

⁴Mes Ho, koi UISNENO, Hom fani au ben aninit le naneo ma nahafo kau. Hom fe neu kau lasi mnisat ma Mumepan au nekak.

⁵Au anbai neu UISNENO; ma na'ko In tubu knino In natae kau.

⁶Au umne' anbi au tupas ma au fen ateni natuin UISNENO es anpanat kau.

⁷Au ka umtausan fa au musu sin nifun-nifun le anfun nan kau na'ko neno in kabenan sin.

⁸Mufetin kau, koi au UISNENO, mule'un ma mu'oleb ale au musu sin.

⁹Al na'ko Ko, au upeni tuntakus koi UISNENO, amnek Ho to amfe mani sin tetus.