Read Uab Meto SIT PULES 30 Bible Online

SIT PULES 30 - Uab Meto bible

SIT PULES 30

¹Sit Pules Nai Daud. Sit neu he namepan Ume Uisneno.

²Au u'naeb Ko, koi UISNENO, natuin Ho mufetin mulali kau ma Ho ka mufetin kau fa he au musu sin na'ba' kau.

³UISNENO le au Uisneno, au toti Ko he Hom tuntaku kau, ma Ho muleko' kau.

⁴Ho mufetin kau na'ko maten, ma Ho mumonib kau na'ko atoni-atoni amates.

⁵Amsi sit pules neu UISNENO, hoi In to le na'ki', ma miliatas In Knino Le'uf kun.

⁶Fun UISNENO nato' anbi smela mese, mes In manekan nane tal nabal-bal. Au kae anbi fai, mes au malin anbi nok-noka.

⁷Leka au monik namlil au u'uab ak, “Au ka aen koti fa!”

⁸Natuin Hom nek kau, koi UISNENO, Hom hatani kau on tubu amepat. Mes nalali te Ho mu'lo kau, talantia au umtau.

⁹Neu Ko, koi UISNENO, au anbai, neu UISNENO au toti.

¹⁰“In otan sa' neu Ko leka au tam neu nopu maten? Ai anmu'i atoni amates le na'naeb Ko ma an etun Ho nek a'ki'at? Nabe'i ka afu ampules Ko ma au etun Ho lasi a'ki'at?

¹¹Amnen kau, koi UISNENO, ma amnek kau. UISNENO amtuntaku kau!”

¹²Au kaet kulut sin Ho mu'baina anfani malinat, Ho maiti mani au nu'ut ma Ho muhenu kau meki halinat.

¹³Es nanet au mes ka ta' fa; mes au pules u'naeb Ko, koi UISNENO, ma au mes uliatas Ko talantia nabal-bal.