Read Uab Meto SIT PULES 32 Bible Online

SIT PULES 32 - Uab Meto bible

SIT PULES 32

¹Sit Pules Nai Daud. Sit ma lasi noine. Ua alekot neu atoni le in sanat sin, masako ma manose.

²Ua alekot neu atoni le UISNENO kan so'i fa in maufinu sin, ma le kan lomi fa lasi kake'.

³Leka au fe ka au fa au sanat sin, au anbai natuin au ka uton fa anbi neno teme.

⁴Anbi neno ma fai Ho mu'meku kau, koi UISNENO, au nenuk oke natuin manas in maputun.

⁵Es nanet au manaku au sanat neu Ko, au sanat sin au ka u'tolo' fa. Au ufek ulali he nati' au manakua' au sanat sin neu Ko, ma Hom sako au sanat sin.

⁶Es nanet so ale atoni nek muti' sin an onen neu Ko leka sin antam anbi as'unu, talantia leka susal anbol, kais antoman sin.

⁷Hom fani tilun neu kau, Ho mufetin kau na'ko nukat. Es nanet au u'ba' nok malinat, natuin Ho mufetin mulali kau.

⁸UISNENO nakua a'an nak, “Au mes uton neu ko lanan le ho hem nao mutuin, Au mes a'tuntaku ma unoina ko.

⁹Kais on bikase le kan mu'i fa tenab, le mes nanono neki fleu ma tani he nati' natuin.”

¹⁰Ma'ne'at naek es antoman atoni asanat; mes atoni le nafnek neu UISNENO mes anpanat nani anbi In manekan.

¹¹Hoi atoni-atoni nek muti', mimlil ma mimoek nai natuin UISNENO anmo'e nalali ale lasi. Mi'ba' ma mimlil nai, hoi ale atoni nek muti'!