Read Uab Meto SIT PULES 39 Bible Online

SIT PULES 39 - Uab Meto bible

SIT PULES 39

¹Neu atopu sit sin. Sit Pules Nai Daud. Neu Nai Yedutun.

²Au utenab, “Au he pantok he nati' kais au usanab anbi uab. Au mes ka u'uab fa, leka atoni amaufinut sin fe anhaumakan.”

³Au mes utena kuk, ma au ta' kuk talantia au uneuk ani a'mes kuk. Ma au nu'ut nane ansato anteni in ma'fenan;

⁴ma au nek as'unu antu' ma nao piut. Au utenab ma au nao teni, au nek nu'ut anfonat ma anao piut; talantia au u'uab ak,

⁵“UISNENO, muton kau leka au tes namsopu he nati' au uhin neu au uak tuka' kun.”

⁶Nansa' Hom lek au uak tuk-tuka'! Neu Ko au uak monit le i ka maupa fa. Namneo mansian le i in monin onle' atfun asnasaf,

⁷anfin onle' hafo. Ale sin haet le nane son-sona kun; in anibun amaus, mes in ka nahin fa neu sekau mes es naiti nani.

⁸Tabu le i au he pao teni sa' ka, koi UISNENO? Au ufnek neu Ko.

⁹Mufetin kau na'ko au sanat sin, ma kais mufetin kau he atoni amonot na'si'u kau.

¹⁰Au ta' ma au ka fai fa au fefak, natuin Ho es ambiso kau.

¹¹Maiti Ho plenat sin na'ko kau, natuin sin ala kle'ot au maten Ho tepos.

¹²Natuin mansian in sanat, Hom kas ma Hom tepo, onle' nautus Ho mule'un sa' le maupa anbine. Namneo, mansian onle' atfun asnasaf.

¹³Amnen au onen koi UISNENO, ambab kau anbi au totis; kais Hom ta'ah leka au anbai. Onle' au be'i au na'i sin, al suman es au ubua ok Ko.

¹⁴Kais moki kau, he au umlil fa kle'o, nahun na'ko au he nao ma ka bi teni fa anbi i.