Read Uab Meto SIT PULES 42 Bible Online

SIT PULES 42 - Uab Meto bible

SIT PULES 42

¹Neu atopu sit sin. Sit knino noina na'ko Nai Korah in anah sin.

²Onle' lus le namnau nit oe noe, onane amsa' au smanak namnau Ko, koi Uisneno.

³Au umnau kuk Uisneno amonit, leka au he tam he ululi ma u'bes anbi In Ume?

⁴Anbi manas ma fai au kae, ale au mat nu es anfani on au mnahat. Anbi neno teme au musu sin natan nak, “Ho Uisneno nane In es me ka?”

⁵Au nekak antu' leka au umnau monit neno ahunut, leka au tam bi Ume UISNENO ok atoni amfaut ma mo'e mnaut. Au nao tomat nok a'baf ma sit pules.

⁶Nansa' es au nekak antu' ma na'unu? Au ufnek al neu kun Uisneno. Es nanet mes au u'naeb neu In, ateni au Uisneno ma au afetin.

⁷Au nekak naskuku' anbi pah le anpolin kau anbine, natuin au umnau UISNENO. Au smanak nanu'bon anbi nu'ut, natuin slutuf antoman kau; onle' slutuf na'ko Noe Yordan in a'lun ma na'ko Tubu Hermon ma Tubu Mizar.

⁹Nati' UISNENO naton In manekan anbi manas, he nati' au pules In anbi fai, ma onen neu Uisneno au uf amonit.

¹⁰Au u'uab neu Uisneno, au afetin, “Nansa' es Hom nikan kau? Nansa' es au tam piut anbi ma'nukat, natuin au musu sin es anhamu'i kau?”

¹¹Au nekak namnoe nain ok-oke natuin au musu sin na'si'u kau. Ma sin natan piut nak, “Ho Uisneno nane In es me ka?”

¹²Nansa' es au nekak ho munu'on anbi au nanak? Au ufnekan neu Uisneno. Es nanet au mes u'naeb neu In, neu au Uisneno ma au afetin.