Read Uab Meto SIT PULES 43 Bible Online

SIT PULES 43 - Uab Meto bible

SIT PULES 43

¹Au ufnekan neu au afetin, koi Uisneno, amfe neu kau Ho amneot, mis man au mu'ik na'ko uf abulalut. Mufetin kau na'ko amaufinut ma a'kake' sin.

²Ho kum Uisneno, au aneot ma ahafot; nansa' es Ho musaitan kau? Nansa' es au tam piut anbi nukat natuin au musu sin anhamu'i kau?

³Muton kau Ho matakum hem tana kau ma amtopu kau, he nati' au fani neu Sion, Ho tubu knino ma neu Ume le Ho mutua anbine.

⁴Es nanet au mes a'nao neu Uisneno In baki tulu' ma au hake anbi Uisneno ahalinat. Au mes a'si ma u'bae heo, he pules Ko, koi Uisneno, Ho au Uisneno.

⁵Nansa' es au nekak antu' ma nas'unu? Au futnok neu Uisneno, es nanet au mes u'naeb neu In, neu au Uisneno ma au afetin.